တစ်ခါက တောင်ပေါ်က ရေအလွန်အေးပြီးတော့ လူသူအရောက်အပေါက်နည်းတဲ့ ရေအိုင်မှာ ရွှေငါးတွေနေကြတယ်။ အဲဒီငါးတွေဟာ ပျော်ပျော်ပါးပါးနဲ့ နေထိုင်ကြတယ်။ အဲဒီရွှေငါးတွေဟာ ကံကောင်းတတ်တဲ့ ငါးအဖြစ် အခြားငါးတွေကကော လူသားတွေကပါ ယူဆတဲ့အတွက်ကြောင့် အားလုံးက လေးစားကြသတဲ့။
တစ်နေ့တော့ တိုင်းပြည်က ဘုရင်ကြီးဟာ နေမကောင်းဖြစ်သတဲ့။ ပုရောဟိတ်တွေက ဘုရင်ကြီးကို ကံကောင်းစေတဲ့ ရွှေငါးကို ဖမ်းပြီးတော့ ဘုရင်ကြီး ကိုယ်တိုင် သတ်ပစ်ရမယ်လို့ ပြောတယ်။
ဒီလိုနဲ့ ငါးဖမ်းသမားတွေက ရွှေငါးတွေကို လိုက်ရှာကြရော။ ဒီလိုနဲ့ တောင်ပေါ်က ရေအိုင်ကို ရှာတွေ့သွားကြတယ်။ ငါးဖမ်းသမားတွေက ငါးဖမ်းဖို့ နောက်ကျသွားတယ်။ မိုးအရမ်းချုပ်သွားတဲ့အတွက် ငါးဖမ်းသမားတွေက ” ဒီအိုင်ထဲမှာ ကံကောင်းစေတဲ့ငါးတွေ ရှိတယ် နောက်နေ့မှ ဖမ်းကြမယ် ” လို့ပြောပြီးပြန်သွားကြတယ်။
အဲဒီစကားကို အခြားငါးတစ်ကောင်ကြားလိုက်လို့ လာပြောတယ်။
အမှန်တော့ ရေကန်ထဲမှာ ကံကောင်းစေတဲ့ငါး သုံးကောင်ပဲရှိတယ်။
ပထမငါးက ဒီအကြောင်းကို ကြားလိုက်တာနဲ့ ငါတို့ထွက်ပြေးရအောင်လို့ ပြောလိုက်တယ်။ ဒုတိယ ငါးကလဲ လက်ခံတယ်။ လက်မခံ တာက တတိယငါးပဲ ။ သူကတော့ “ငါတို့က ကံကောင်းစေတဲ့ ငါးတွေပဲ ငါတို့ဘာကိုကြောက်နေရမှာလဲ ကံက ငါတို့ဖက်မှာပဲ “တဲ့
ကျန်တဲ့ငါးတွေလဲ တတိယ ငါးကို ၀ိုင်းဖြောင်းဖျကြတယ်။ ဒီလိုနဲ့ နောက်နေ့မနက်မှာတော့ ပထမငါး ထွက်ပြေးသွားတယ်။ တောင်ကျ စမ်းချောင်းလေးကတစ်ဆင့်ပေါ့။ ဒုတိယငါးလဲ ပြေးသွားတယ်။ နောက်တော့ တံငါသည်တွေ ရေအိုင်ထဲကို ဆင်းပြီး ၀င်ဖမ်းကြတယ်။ အဲတော့မှ တတိယငါးလဲ ကြောက်ကြောက်နဲ့ တောင်ကျချောင်းလေးကနေ ထွက်ပြေးဖို့ကျိုးစားတယ်။ ဒါပေမယ့် တံငါသည်တွေက ချောင်းမှာ ပိုက်ကွန်နဲ့ ပိတ်ထားပြီးသား။ နောက်ဆုံးတော့ ကံကောင်းစေတဲ့ ငါးလေးလဲ ယက်ကန်ယက်ကန်နဲ့ တံငါသည်တွေ လက်ထဲကို ပါသွားလေရဲ့
ပုံပြင်လေးကတော့ ကံဘယ်လောက်ကောင်းနေကောင်းနေ ကြိုတင်ပြင်ဆင်မှုတွေကို လုပ်ထားသင့်တယ်ဆိုတာကို သာဓကပြသွားပါတယ်
မောင်စိုင်း
No comments:
Post a Comment