ရေပေါ်အိမ်တွေနဲ့ လှေကိုခြေနဲ့လှော်ကြတဲ့ အင်းသားတွေရဲ့ အလေ့အထတွေဟာ မြန်မာနိုင်ငံကို
ကမ္ဘာတစ်ဝန်းက ခရီးသွားဧည့်သည်တွေ လာချင်အောင် ဆွဲဆောင်နေတဲ့ ထူးခြားတဲ့ ဓလေ့တစ်ခုပါ။
အင်းလေးကန်ရဲ့ သာယာလှပမှုတွေကို မျက်စိတစ်ဆုံး ခံစားဖို့ဆိုရင်တော့ လှေတစ်စင်းနဲ့
လည်ပတ်တာထက် မီးပုံးပျံစီးပြီး လည်ပတ်သင့်ပါတယ်။လူစည်ကားရှုပ်ထွေးတာမျိုးကို
ရှောင်ရှားချင်တဲ့ ငွေပေါသူ ခရီးသွား ဧည့်သည်တွေအတွက် မြန်မာ့အကျော်ကြားဆုံး အင်းလေးကန်
အလှကို ခံစားနိုင်တဲ့နည်း နောက်တစ်နည်းတော့ ရှိနေပြန်ပါသေးတယ်။
အဲဒါကတော့ ဝေဟင်မှာ မီးပုံးပျံစီးပြီး မြင်ကွင်းကျယ်အလှတွေကို ခံစားတာပဲပေါ့။
Oriental Ballooning မီးပုံးပျံ ပျံသန်းရေးခရီးစဉ်ဝန်ဆောင်မှုဟာ မြန်မာနိုင်ငံမှာ ၂၀၁၃ ခုနှစ်က
စတင်ခဲ့ပြီး ခရီးသည် လေးယောက်ကနေ ၁၂ ယောက်အထိ လိုက်ပါစီးနင်းနိုင်တဲ့ ခရီးစဉ်တွေကို
ပုဂံနဲ့ မန္တလေးက ကောင်းကင်ထက်မှာ ပျံသန်းပေးနေပါတယ်။
အင်းလေးကန်ခရီးစဉ်ကတော့ ၂၀၁၄ ခုနှစ်မှာ စပါတယ်။
အင်းလေးကန်ထက် ပျံသန်းပြီးမြင်ရတဲ့ ရှုခင်းက ပုဂံက မြင်ကွင်းအလှနဲ့ ယှဉ်နိုင်ပါတယ်။
မီးပုံးပျံ နဲ့ ပင်လယ်ရေမျက်နှာပြင်အထက် ပေ ၈,၀၀၀ ကိုရောက်တဲ့အခါမှာတော့ ရင်သပ်ရှုမောဖွယ်
မြင်ကွင်းကျယ်ကို ကျွန်မတို့ ပတ်ပတ်လည်မှာ တွေ့လိုက်ရပါတယ်။
ရေထဲကနေ မြင်ရတဲ့အခါ ချစ်စရာကောင်းလှတဲ့ ကျွန်းမျောအကွက်လိုက်တွေကို အထက်စီးကနေ
မြင်ရတဲ့အခါမှာလည်း တစ်မျိုးတစ်ဘာသာ လှနေပါလားရယ်လို့ အသိအမှတ်ပြုလိုက်ရပါတယ်။
ကျွန်းမျောတွေရဲ့ ရှုပ်ယှက်ခတ်နေတဲ့ အနားသတ်လိုင်းလေးတွေက ကန်ထဲမှာ မိုင်ပေါင်းများစွာ
ဖြန့်ကြက်တည်ရှိနေပါတယ်။
ဈေးကိုသွားနေတဲ့ စက်လှေတွေကို မြင်ရတာ ပုရွက်ဆိတ်အတန်းကို မြင်ရသလိုပါပဲရှင်။
ကျွန်မတို့ကြားရတဲ့ မြေပြင်ကနေ ဝေဟင်အထိ လွင့်ပျံ့လာတဲ့
တစ်ခုတည်းသော အသံကတော့ ရွာတွေထဲက စေတီဆီကနေ ထွက်ပေါ်နေတဲ့
ဆည်းလည်းသံပါပဲရှင်။မီးပုံးပျံခြင်းကြီးရဲ့ ဘေးအစွန်းကနေ ပါးစပ်အဟောင်းသားနဲ့ သဘာဝအလှအပတွေကို ငုံ့ကြည့်နေချိန်မှာပဲ ဘေလ်က မီးပုံးပျံကို ကန်ရေပြင်နဲ့ မီတာအနည်းငယ်အကွာလေးထိနိမ့်ဆင်းလိုက်တယ်။
မီးပုံးပျံက အဲလိုအနေအထားနဲ့ ရပ်တန့်နေတယ်။
အင်းလေးကန်ရေပြင်ပေါ်တွင် ပျံဝဲနေသော မီးပုံးပျံတစ်လုံး။ ဇာနည်ဖြိုး/မြန်မာတိုင်း(မ်)
"ကမ္ဘာ့ဘယ်နေရာမှာမဆို မီးပုံးပျံစီးလို့ရတယ်။ ဒါပေမဲ့ ဒီလိုပတ်ဝန်းကျင်အလှမျိုးကို ဘယ်မှာမှ
ခင်ဗျားတို့ မြင်ရမှာမဟုတ်ဘူး"လို့ ဘေလ်က ပြောပါတယ်။
ယူကေဇာတိဖြစ်တဲ့ ဘေလ်ဟာ ဥရောပ၊ မွန်ဂိုလီးယား၊ သီရိလင်္ကာနဲ့ ဆီးရီးယားတို့ အပါအ၀င်
ကမ္ဘာ့နေရာအနှံ့အပြားမှာ မီးပုံးပျံတွေ ပျံသန်းခဲ့သူဖြစ်ပေမယ့် အင်းလေးဒေသကတော့
အခကြေးငွေယူပြီး ပျံသန်းရတဲ့ သူအကြိုက်ဆုံးနေရာတွေထဲက တစ်ခုဖြစ်ပါတယ်လို့ ဆိုပါတယ်။
"ကျွန်တော့်အမြင်အရတော့ အင်းလေးဟာ မီးပုံးပျံစီးဖို့အတွက် အကောင်းဆုံး လျှို့ဝှက်ချက်တွေ
ရှိတဲ့နေရာတစ်ခုပါပဲ"လို့ ပြောပါတယ်။
သွားမယ်ဆိုရင် အင်းလေးကန်ဒေသ Oriental Balloons မီးပုံးပျံ ခရီးစဉ်ဟာ တစ်ဦးကို
အမေရိကန်ဒေါ်လာ ၄၂၀ ဖြစ်ပါတယ်။
Oriental Balloons မီးပုံးပျံခရီးစဉ်အကြောင်း ပိုပြီးပြည့်ပြည့်စုံစုံ သိချင်ရင်၊ ဒါမှမဟုတ်
ကြိုတင်စာရင်းပေးချင်တယ်ဆိုရင်တော့
www.orientalballooning.com ကို
ဝင်ရောက်ကြည့်ရှုနိုင်ပါတယ်။
ဒါမှမဟုတ် ညောင်ရွှေမြို့ လမ်းမတော်လမ်းက Oriental Balloons ရုံးကိုပဲဖြစ်ဖြစ်၊ အမှတ် ၁၀၊
အင်းလျားရိပ်သာလမ်း၊ မရမ်းကုန်းမြို့နယ်မှာရှိတဲ့ ရန်ကုန်အရောင်းဌာနကိုပဲဖြစ်ဖြစ်
သွားရောက်လေ့လာနိုင်ပါတယ်။
အဆင့်မြင့်မြင့် တည်းခိုနိုင်မယ့်နေရာကို ရှာနေတယ်ဆိုရင်တော့ Novotel Inle Lake
Myat Min Resort ကသာ အဆင်ပြေမယ်လို့ ယူဆမိပါတယ်။
အပန်းဖြေစခန်းဟာ အင်းလေးကန်ရဲ့ အရှေ့ဘက်ခြမ်းက တိတ်ဆိတ်အေးချမ်းတဲ့ ထောင့်နေရာနားမှာ
တည်ရှိပါတယ်။
ကန်အတွင်း ခုတ်မောင်းသွားလာကြတဲ့ စက်လှေတွေရဲ့ ဆူညံသံတွေနဲ့ကင်းဝေးပြီး ကန်ရေပြင်ပေါ်မှာ
ဆောက်လုပ်ထားတဲ့ ကျယ်ဝန်းလှတဲ့ lakefront villa တွေက အင်းလေးကန်နဲ့ ဟိုးယွန်းယွန်းက
တောင်တန်းတွေရဲ့ ရင်သပ်ရှုမောစရာ မြင်ကွင်းတွေကို ပေးစွမ်းနိုင်ပါတယ်။
Rooms: Junior suites ဒေါ်လာ ၉၀ မှ ၂၀၀၊ lakefront villas ဒေါ်လာ ၁၇၀ မှ ၄၀၀၊
Novotel Inle Lake Myat Min မိုင်းသောက်ရွာ၊ အင်းလေးကန်၊ ၁၁၁၂၁ ညောင်ရွှေ၊
www.novotel.com
Nawng Kham The Little Inn ကတော့ ကျွန်မတို့ တွေ့ရှိခဲ့တဲ့ အကောင်းဆုံးနဲ့ ဈေးအတန်ဆုံး
နေရာပါပဲ။
ရိုးရှင်းတဲ့ အခန်း ခုနစ်ခန်းဟာ သန့်ရှင်းသပ်ရပ်ပြီး ခေတ်မီ ရေချိုးခန်းအိမ်သာတွေလည်း ရှိပါတယ်။
အေးချမ်းတိတ်ဆိတ်တဲ့ ဥယျာဉ်တစ်ခုထဲမှာ ဆောက်လုပ်ထားတာဖြစ်တာကြောင့် မနက်ခင်း
မီးပုံးပျံစီးပြီးရင် အနားယူအပန်းဖြေဖို့အတွက် အကောင်းဆုံး နေရာတစ်ခုပါပဲ။
Rooms: ဒေါ်လာ ၃၀ Nawng Kham The Little Inn၊ ဖောင်တော်ပြန်လမ်း၊
ညောင်ရွှေ noanhom@gmail.com
ကျွန်မတို့ရဲ့ တည်းခိုမှုကို Novotel Inle Lake Myat Min က ပံ့ပိုးပေးထားတာ ဖြစ်ပါတယ်။
သီရိမင်းထွန်းနှင့် ဇာဇာစိုး ဘာသာပြန်သည်။
