ခေါင်းဆောင်တို့၏ အရည်အချင်း

 

မည်သည့်အရာက ခေါင်းဆောင်တို့၏ အရည်အချင်းကို အဆုံးအဖြတ်ပေးပါသနည်း….

Alexander the Great ၏ အဆိုအမိန့်တစ်ခုက ခေါင်းဆောင်များ၏ အရေးပါပုံကို ပြတ်ပြတ်သားသား ဖော်ညွှန်းပေးသည်။" I am not afraid of an army of lions led by a sheep;I am afraid of an army of sheep led by a lion"“ခြင်္သေ့အပေါင်းကို သိုးတစ်ကောင်က ဦးဆောင်လာသော စစ်တပ် ကြီးကို ကျုပ်မကြောက်ပါ။ သို့သော်လည်း သိုးအပေါင်းကို ခြင်္သေ့တစ် ကောင်က ဦးဆောင်လာခဲ့သော စစ်တပ်ကိုမူ စိုးရိမ်မိပါသည်”

 ခေါင်းဆောင်မှုဆိုသည်မှာ အနာဂတ်အမြင် (မျှော်မှန်းချက်) ကို လက်တွေ့အဖြစ် ပြောင်းလဲနိုင်သော အရည်အချင်းဟု ဆိုလိုပါသည်။ အခြေအနေ၊ အချိန်အခါ အရပ်ရပ်ကို ကောင်းစွာသိရှိပြီး ထိုသိမှုအပေါ် အခြေခံကာ ဖြစ်လာနိုင်သည့်အကျိုးဆက်များကို မြင်အောင်ကြည့်နိုင် ခြင်း၊လက်တွေ့
ဖော်ဆောင်နိုင်ခြင်းလည်း ဖြစ်သည်။ ဤတွင် Vision ဟူသည့် မျှော်မှန်းချက်မှာ စိတ်ကူးယဉ်ခြင်း မဟုတ်သလို၊ ဆန်္ဒအပေါ် အခြေခံခြင်းလည်း မဟုတ်ရချေ။ Art of possibilities ဟူသော ဖြစ်နိုင် ချေများကို ရှာဖွေခြင်း၊ အကောင်အထည်ဖော်ခြင်းသာ ဖြစ်သည်။ လက်တွေ့ကျသော အနာဂတ် အမြင် မျှော်မှန်းချက်သာ ဖြစ်ဖို့ ကောင်းသည်။

ဆရာကြီး Leory Eimes က ပို၍ အသေးစိတ်မီးမောင်းထိုးပြလိုက်သည်မှာ..

"A leaderis one who sees more than others see,who sees father than others see,and who sees before other see"“အခြားသူများ မြင်တွေ့သည်ထက် ပို၍မြင်နိုင်ရခြင်း၊ အခြားသူမျာ မြင်နိုင်သည်ထက် ပို၍ ဝေးကွာစွာ မြင်နိုင်ခြင်း၊ အခြားသူများ မမြင်နိုင်သေးသည်ကို မြင်နိုင်ခြင်းသည် ခေါင်းဆောင်တို့၏ အရည် အချင်းဖြစ် သည်ဟု ဆိုလိုပါသည်။ မနက်ဖြန် သဘက်လောက်နှင့် တစ် နှစ်၊ နှစ်နှစ်အတွင်း ဘာဖြစ်လာမည်ကို မြင်နိုင်ခြင်းသည် ခေါင်းဆောင် များအတွက် စာဖွဲ့လောက်သည့် မြင်ခြင်းမျိုး မဟုတ်ချေ။ အနည်းဆုံး ဆယ်စုနှစ်တစ်ခု၊ နှစ်ခုလောက်တွင် ဖြစ်လာနိုင်သည်တို့ကို ခေါင်းဆောင် လုပ်သည့်သူ၊ ခေါင်းဆောင်လုပ်မည့် သူတွေ ကြိုတင် မြင်ကြည့်နိုင်ရန် လိုပါလိမ့်မည်။

 

 အတွေ့အကြုံများ၍ ဉဏ်ရည်နိမ့်ပါး ....
"Great experience-Low experience" ဟူသော အမျိုးအစားတွင် ပါဝင်သော ခေါင်းဆောင်ဖြစ်သည်။ အချို့အတွေ့အကြုံများကြ၏။ သို့ သော်လည်း အတွေ့အကြုံမှ ထုတ်ယူနိုင်သော သင်ခန်းစာနည်းပါးတတ် ကြသည်။ ဤနေရာတွင် Intelligence ကို ဉာဏ်ရည်ဉာဏ်သွေးဟု သုံးနှုန်းလိုပါသည်။ မည်မျှလေ့လာ သင်ယူပြီး မည်မျှပညာ ဖြစ်စေနိုင်သော အရည်အသွေး ဖြစ်သည်။ 

အသက်အရွယ်သည် အတွေ့အကြုံနှင့် သက် ဆိုင်သည် မှန်သော်လည်း၊ မိမိတို့လုပ်ဆောင်နေရသော အလုပ်က ပို၍ သက်ဆိုင်သည်ဟု ဆိုရပါလိမ့်မည်။ အရွယ်လွန်သော်လည်း လုပ်ငန်း တာဝန်များများ၊ကြီးကြီး မထမ်းဆောင်ခဲ့ရပါလျှင်၊ အရွယ်ငယ်သော်လည်း လုပ်ငန်းကြီးကြီး၊ အခက်အခဲနှင့် စိန်ခေါ်မှု များစွာရှိသော ပြဿသနာ တို့ကို ကောင်းစွာ အဆုံးအဖြတ်ပေး ကိုင်တွယ်ခဲ့ရသည့် လူလတ်တစ်ဦး၏ ပညာမျိုးကိုရရှိနိုင်မည် မဟုတ်ပါချေ။ ဤတွင် အယူအဆတစ်ခုမှာ အရွယ်သည် သာမန်အသိ Conventional Wisdom ကိုသာ ရရှိစေမည် ဟု သတ်မှတ်နိုင်ပြီး၊ အလုပ်နှင့် စိန်ခေါ်မှုများကို ကိုင်တွယ်ဖြတ်သန်းခြင်း ကသာ လေးနက်သော ပညာကို ဖြစ်စေပါလိမ့်မည်ဟူသောအယူအဆ ဖြစ်သည်။

 

 "Higher intelligence-Low experience"

 ဉာဏ်ရည်ဉာဏ်သွေး ကောင်းမွန်သော်လည်း အတွေ့အကြုံ နည်း ပါးသော ခေါင်းဆောင်မှုမျိုး ဖြစ်သည်။ ပရော်ဖက်ရှင်နယ်တစ်ခု၌ ဆိုင်ရာ အတွေ့အကြုံကို ကောင်းစွာရထားနိုင်ရန် လိုသည်။ စီးပွားရေးသီအိုရီ များကို ထုတ်ဖော်ခဲ့ကြသော ပါမောက်္ခကြီးများ၏ ဉာဏ်ရည်ဉာဏ်သွေး မှာ မြင့်မားတတ်ကြ ပါသော်လည်း၊ အဘယ့်ကြောင့် လက်တွေ့စီးပွားရေး တွင် မအောင်မြင်ကြရပါသနည်း။ လက်တွေ့စီးပွားရေးတွင်အတွေ့အကြုံလိုအပ်နေသေးသော ကြောင့်ဟုသာ ဖြေရပါလိမ့်မည်။

အတွေ့အကြုံသည် မေ့ထား၍ရစကောင်းသောအရာ မဟုတ်သည်မှာ ဤဥပမာအရ များစွာရှင်းလင်းပြီး ဖြစ်ပါလိမ့်မည်။

 

 "Great experience-Higher intelligence"

 အတွေ့အကြုံကောင်းများလည်းရှိ၊ ဉဏ်ရည်ဉဏ်သွေးကောင်း များလည်းရှိသော ခေါင်းဆောင်မှုမျိုးဖြစ်သည်။ စာရေးသူစိတ်ကြိုက်ဖြင့် ဆိုရလျှင် “လီကွမ်ယူ” လိုလူမျိုး ဖြစ်သည်။ သူတွေ့ခဲ့သော အတွေ့အကြုံ ကိုပညာအဖြစ်
ပြောင်းလဲနိုင်ပြီး၊ ပင်ကိုယ်ဉာဏ်ရည်ဉာဏ်သွေးလည်း ထက်မြက်သူ ဖြစ်သည်။
ဤနေရာတွင် “ဉာဏ်ရည်ဉာဏ်သွေး ထက်မြက်ခြင်း” ကို “သွက် လက်ချက်ခြာခြင်း”နှင့် ရောထွေး၍ မမြင်ရန်လိုသည်။သွက်လက်ချက် ခြာခြင်းမှာတုံ့ပြန်မှုမြန်ဆန်ခြင်းသာဖြစ်၍ပညာဖြစ်သောအလုပ်၊

မှန်ကန် သောအတွေးများကိုအကောင်အထည်ဖော်နိုင်သူမဟုတ်ချေ။

 

“ လူဆိုးတစ်ထောင်ကဲ့ရဲ့ခြင်းထက် ပညာရှိတစ်ဦး ကဲ့ရဲ့ခြင်းကို အ လေးထားပါ ”” ဟူသောစကားပုံ ရှိထားသည်။ ခေါင်းဆောင်များသည် "Might" ကို လိုက်မလား၊ "Right" ကို လိုက်မလားဟူသော စိန်ခေါ်မှု များနှင့် ရင်ဆိုင်ရမည်မှာ မလွဲချေ။ အသိကြီးသူ အနည်းငယ်၏ ရွေးချယ် သောလမ်းကို လျှောက်သင့်သလား။ အသိနည်းသူ အများ၏ ရွေးချယ် သောလမ်းကို အလေးပေးမည်လား ဟူသည်မှာ ဒီမိုကရေစီနိုင်ငံသို့ ကူး ပြောင်းကြမည့် နုိုင်ငံတိုင်း မလွဲမသွေ တွေ့ရလေ့ရှိသော စိန်ခေါ်မှုတစ်ခု ဖြစ်သည်။ 

  ခေါင်းဆောင်များ၏ အတွေ့အကြုံ၊ ပညာ၊ ဉဏ်ရည်ဉဏ် သွေးက နောက်ဆုံး အကောင်းဆုံး အဆုံးအဖြတ် ပေးသွားနိုင်လိမ့်မည်ဟု ယူဆပါသည်။

 

 

နေဇင်လတ်

JOB seekers JOURNAL
Vol.3,No.8