Spartan King Leonidas

 
 ဘီစီ ၄၈၀ ခုနှစ် သြဂုတ်လတွင် ပါရှားဘုရင် ဇပ်ဇီး(စ်) (Xerxes) သည် ဂရိပြည်အား တိုက်ခိုက် ရန်အတွက် စစ်သည် နှစ်သိန်း ၊ စစ်သဘောင်္တထောင်မျှ ပါဝင်သည့် ဧရာမ တပ် ကြီးနှင့် ချီ၍ လာသည်။ ထိုစဉ်က ဂရိတို့ သည် (City state ) မြို့ တမြို့  တနိုင်ငံ စံနစ်ဖြင့် သီးခြားစီ ရပ်တည်နေထိုင်လျက် ရှိကြသည်။ သို့ သော် တမျိုးနွယ်လုံး၏ ရန်သူ ပါရှန်တို့  စစ် ချီလာပြီ ဆိုသည့် အခါ မြို့ နိုင်ငံ အများစုပေါင်း ၍ ခုခံရန် ပြင်ဆင်ကြသည်။ ထိုအခါ ဂရိပြည် မြောက်ပိုင်းမှ တောင်ပိုင်းဆီ ထိုးဖောက်လာမည့် ပါရှန်စစ်ကြောင်းကြီး တခုကို စစ်ရေးစစ်ရာ အရ အချက်အချာကျသည့် သာမော်ပီလေး(Thermopylae) တောင်ကြားမှ ပိတ်ဆို့ ခုခံရန် တာဝန်သည် စပါတာ မြို့ နိုင်ငံခေါင်းဆောင် ဘုရင်လီယွန်နီဒပ်(စ်) နှင့်  သူ့ စစ်သည် တော်များထံ ကျ ရောက် လာသည်။
      လီယွန်နီဒပ်(စ်) သည် လူခြောက်ထောင်ပါ တပ်တစ်တပ်ဖြင့်  သာမော်ပီလေးမှ ခုခံရန် အသင့် ပြင်သည်။ သူ့ တပ်တွင် လူရင်း စပါတာများအပြင် အခြားမြို့ ပြ နိုင်ငံများမှ တပ်ဖွဲ့ အချို့ လည်း ပူးပေါင်းပါဝင်သည်။သာမော်ပီလေးသည် လေးမိုင်ခန့် ရှည်လျားပြီး ကျဉ်းမြောင်းသည့် နေရာများ၌ အကျယ်ပေ ငါးဆယ်မျှသာ ရှိသည့် တောင်ကြားလမ်း စစ်စစ် ဖြစ်သည်။ဘေးတဖက် တချက်စီတွင် အလွန်မြင့်မောက် မတ်စောက်သော တောင်နံရံကြီးများ ကာဆီးနေသည် ဖြစ်ရာ ရန်သူသည် ဒီတောင်ကြားမှ အပ အခြားဝင်စရာ လမ်းမရှိ။ဝင်လာလျှင် လီယွန်နီဒပ်(စ်) ၏တပ်နှင့် ရင်ဆိုင် ရလိမ့်မည်။ သည်တပ်ကို အလုံးစုံချေမှုန်း နိုင် မှ သည်လမ်းက ဖြတ်သန်း၍ ရလိမ့်မည်။
    သည်တွင် လီယွန်နီဒပ်(စ်)တို့  စပါတာများအကြောင်း အနည်းငယ်ပြောချင်သည်။စပါတာတို့ သည် ရဲ ဝံ့စွန့် စားမှုအတွက် အထူးလေ့ကျင့် ထားကြသူများဖြစ်သည်။ အလွန် စည်းကမ်းကြီးသည်။ ခြိုးခြံကျပ်တည်းစွာ စားသောက်နေထိုင်နိုင်သည်။ ကိုယ်ရောစိတ်ပါ ကြံ့ ခိုင်မာကျောသည်။စပါတာ တစ်ယောက် စစ်ထွက်ခါနီးတွင် သူကိုင်ဆောင်ရမည့်  ဒိုင်းကြီးကို မိခင်ကိုယ်တိုင် က ယူဆောင်လာပေးလေ့ ရှိသည်။ ပြန်ရင် ဒီဒိုင်းကို ကိုင်ပြီး ပြန်ခဲ့ ။ မကိုင်နိုင်ရင်လည်း ဒိုင်းပေါ်က ပြန်လာခဲ့ ဟု မှာတတ်သည်။
စစ်ပွဲမှာ အနိုင်တိုက်ပြီး အသက်ရှင်လျက် အမေ့ထံ ပြန်ခဲ့ ပါ။ အကယ်၍ တိုင်းပြည်အတွက် အသက်ပေးခဲ့ ရပြီ ဆိုလျှင်လည်း သူ၏ ရုပ်အလောင်းကို ဒိုင်းပေါ်တင်ကာ အတူစစ်ထွက် သည့် ရဲဘော်ရဲဘက်တွေ ထမ်းပိုးပြီး ဂုဏ်သရေ ရှိစွာ ပြန်ရောက်လာတာ မြင်ချင်ပါသည်။ဟု ဆိုလိုခြင်းဖြစ်သည်။ သည်စကားနောက်ကွယ်တွင် အဓိပ္ပါယ်တွေ
 ကိန်းအောင်းနေသေး သည်။ စစ်မြေမှာ ရန်သူနှင့် ရင်ဆိုင်ရသည့် အခါ သူရဲဘောကြောင်စွာ လက်လွတ်ထွက်ပြေး သည် ။သုံ့ ပန်းအဖြစ် အဖမ်းခံရပြီး ကျေးကျွန်ဘဝ ရောက်သွားသည် ။ စတာ မျိုးတွေ မကြားချင်ပါ ဟူသော သဘော။
မိခင်တွေပင် အဲသည်လို စိတ်ဓာတ်မျိုးရှိသည့် စပါတာ ။။ထို့ ကြောင့် စပါတာ မှန်လျှင် ဓားဒါဏ်ရာ၊ လှံဒါဏ်ရာကို ကျောမှာ မပြချင်။
စပါတာတွေ လေ။ ကြည့်စမ်းပါ ။ သူတို့ ဒါဏ်ရာတွေ အားလုံး ရှေ့ ဘက်မှာတဲ့ ။
    အဲသည်တော့  သာမော်ပီလေးမှာ ဆုံကြသည့်အခါ လီယွန်နီဒပ်(စ်) နှင့်  သူ့ စစ်သည်တွေ တောင်ကြားလမ်း တလျောက် ပိတ်ဆို့ ကာ တက် လာသမျှ ရန်သူကို ရင်ဆိုင်ခုခံကြသည်။ ပါရှန်တို့ မှာ လူအင်အားအဆမတန် များသော် လည်း တိုက်ရည်ခိုက်ရည်တွင် စပါတာကို လုံးဝ မယှဉ်နိုင်။ နှစ်ရက်လုံးလုံး အကျအဆုံး များ စွာခံကာ အတင်းဝင်တိုက်သော်လည်း ဂရိတပ်ကို မကျော်ဖြတ်နိုင်။တတိယနေ့ တွင်မူ လျှို့ ဝှက်သည့် တောင်ကျော်လမ်းသေးလမ်းမြောင် တခုကို ဂရိသစ္စာ ဖောက်တဦးက ပြသဖြင့် ရန်သူတို့ ဂရိတပ်၏ နောက်ကျောဘက် သို့ ရောက်လာကြသည်။
ကြီးမားသော အင်အားဖြင့် ညှပ်ပူးညှပ်ပိတ် အတိုက်ခံ ရတော့မည် ဆိုတာ မြင်သည့် အခါ လီယွန်နီဒပ်(စ်) က တပ်ဗိုလ်များကို ဆင့်ခေါ်သည်။ တိုက်ပွဲ ကအနေအထားပြောင်းသွားပြီ၊ သည်နေရာမှာ ဆက်တိုက်လျှင် မိမိတို့ အားလုံး ချေမှုန်း ခံရလိမ့်မည်။
ထို့ ကြောင့် ကျန်သည့် တပ်ဖွဲ့ တွေ အားလုံး အချိန်မှီ ဆုတ်ခွာကြပါ ။ မိမိနှင့်  စပါတာစစ်သည် သုံးရာ ကတော့  တာဝန်အရ သည်နေရာတွင် အသက်ပေးခုခံ ကျန်ရစ်မည်ဟု ကြေညာသည်။ သည်တွင် အခြားမြို့ ပြနိုင်ငံတို့ မှ စစ်သည်အများအပြား ထွက်ခွာသွားကြပြီး သပ်စပီယေ မြို့  သား ခုနှစ်ရာနှင့်  သီးဗ် (စ်) မြို့ သားလေးရာတို့ သာ စပါတာများနှင့် အတူကျန်ရစ်သည်။
ပါရှန်တို့ က ရှေ့ ဖက်မှ တပ်မကြီးတတပ် နောက်ဖက်မှတောင်ကိုကျော်၍ တပ်မကြီး တတပ် ညှပ်ပိတ်တိုက်ခိုက်ရန် ပြင်ဆင်လာသည့်  အချိန် လီယွန်နီဒပ်(စ်) က သူ့ တပ်ကို စစ်မျက်နှာ ကျယ်ကျယ်ဖွင့် ၍ တိုက်နိုင်မည့် နေရာသို့ ရွေ့  ယူသည်။ ထို့ နောက်တွင် ရန်သူ ချီတက်လာသည် အထိ မစောင့် ။ မိမိတို့ က အရင် ဦးအောင်ဝင်တိုက်သည်။ စပါတာတို့  တိုက်ခိုက်ပုံက သည်ပွဲတွင် ပါရှန်ရန်သူကို အပြီးသတ် ချေမှုန်းရန် သံန္နိဌာန် ချထားကြ သည့် အလားပင် ။
   ရဲစွမ်းသတ္တိသက်သက်နဲ့ သာ ဆုံးဖြတ်မည် ဆိုက ဒီပွဲသည် ပါရှန်တွေ မရှုမလှ အရေးနိမ့် သည့် ပွဲ ဖြစ်ရလိမ့်မည်။
သို့ သော် အရေအတွက်ခြင်းက အဆမတန် ကွာခြားလွန်းလှသည်။ စစ်မြေတခွင်လုံးမှာ ပါရှန်တွေ တင်းကြမ်းပြည့်နေသည်။
ဓားသံလှံသံ ကြွေးကြော် အော်ဟစ်သံတွေ သောသောညံနေသည့်  ကြားမှာ လီယွန်နီဒပ်(စ်) ကျဆုံးသည်။ ချက်ချင်းပင် စပါတာတွေ သူ တို့ ခေါင်းဆောင်နဘေးမှာ ဝိုင်းရံလိုက်ကြပြီး အပြင်းအထန် ခုခံကာကွယ်ကာ အနီးရှိ တောင်ပူစာ တခုဆီသို့  အလောင်းကို သယ်ကြ သည်။ သည်နေရာတွင် နောက်တကြိမ် အဝိုင်းခံရသည်။စပါတာအားလုံးသူတို့ ခေါင်း ဆောင်နည်းတူ
 နောက်ဆုံးအချိန်အထိ တိုက်ပွဲဝင်သွားကြသည်။ သက်(စ်)ပီယေ သားများ လည်း စပါတာတို့ နှင့် အတူ ကျဆုံးခဲ့သည်။ သီးဗ်(စ်) မြို့ သားတချို့ သာ လက်နက်ချ အညံ့ ခံခဲ့ ကြသည်။ဂရိနှင့်ပါရှန်တို့ တိုက်ပွဲတွေ ဆက်လက်ဆင်နွဲကြပြီး နောက်ဆုံး၌ ပါရှန်တို့  အရေးနိမ့် ကာ ဂရိမြေမှ ဆုတ်ခွာထွက်ပြေးသွားကြရသည်။
  စစ်ကြီးအပြီးတွင် တောင်ပိုင်းသား စပါတာတွေ သာမော်ပီလေးသို့  လာရောက်ကာ ကျဆုံးခဲ့ သော စစ်သည်များအတွက် ထိုနေရာ၌ ကျောက်စာတိုင်တတိုင် စိုက်ထူထားသည်။ကျောက်စာတိုင်ကား တရံရောအခါ က ဂရိအမျိုးသား တရပ်လုံးအတွက် မိမိတို့ အသက်ကို ပေးလှူသွားခဲ့သည့် စပါတာ မြို့  နိုင်ငံခေါင်းဆောင် (ဘုရင်) လီယွန်နီဒပ်(စ်) (Leonidas) နှင့် နောက်ပါစစ်သည် သုံးရာတို့ ၏ ရဲစွမ်းသတ္တိနှင့် ကိုယ်ကျိုးစွန့်  အနစ်နာခံသည့် စိတ် ဓာတ်ကို ထာဝရမော်ကွန်းတင်ရန် အလို့ ငှာ စိုက်ထူခဲ့ခြင်း ဖြစ်သည်။

(ရာဇဝင်ကို ဆရာဖေမြင့် ၏ အားပြင်းတဲ့  မြှားတစင်း မှ ထုတ်နှုတ်ဖော်ပြသည်။)