ဘယ်နိုင်ငံတွေက ၀န်ထမ်းတွေ လုပ်ခ အများဆုံးရလဲ

 ဘာလုပ်လုပ် ထုထည်ကြီးကြီး လုပ်သည့်နေရာမှာ အမေရိကန်က နာမည်ကျော်သည်။ သို့သော် ၀န်ထမ်းများ လုပ်ခလစာပိုင်းတွင်ကား အမေရိကန်သည် အကြီးဆုံး အများဆုံး နေရာမှာ မနေနိုင်တော့။ ၂၀၁၄ ခုနှစ် လုပ်ခလစာများ စာရင်းကို ပျမ်းမျှ တွက်ကြည့်သည့်အခါ အင်အားကြီး အမေရိကန်သည် ဥရောပတိုက်က နိုင်ငံငယ်လေး လူဇင်ဘတ်နောက် ရောက်သွားရသည်။

စာရင်းကို စီးပွားရေး ပူးပေါင်း ဆောင်ရွက်မှုနှင့် ဖွံ့ဖြိုးရေး အဖွဲ့ (OECD) က ထုတ်ပြန်ခြင်း ဖြစ်သည်။ စာရင်းအရ OECD အဖွဲ့ဝင် နိုင်ငံများအကြား ချမ်းသာမှု ကွာဟချက် ကြီးမားကြောင်းလည်း တွေ့ရသည်။ အချမ်းသာဆုံး အဖွဲ့ဝင်နိုင်ငံနှင့် အဆင်းရဲဆုံး အဖွဲ့ဝင် နိုင်ငံကြား တစ်နှစ်စာ ပျမ်းမျှ အမြင့်ဆုံး လုပ်ခလစာ ကွာဟချက်သည် ဒေါ်လာ (၄၅၀၀၀) အထိ ရှိနေကြောင်း သိရသည်။

ဖော်ပြပါ ဇယားသည် OECD အဖွဲ့ဝင်နိုင်ငံများ အနက် လုပ်ခလစာ အမြင့်ဆုံး ပျမ်းမျှနှုန်း ရှိသည့် (၁၀) နိုင်ငံစာရင်း ဖြစ်သည်။ ၂၀၁၂ ခုနှစ် အမေရိကန် ဒေါ်လာ တန်ဖိုးအရ ၀ယ်ယူနိုင်စွမ်း ညွှန်းကိန်းပေါ် မူတည် တွက်ချက်ထားခြင်း ဖြစ်သည်။

လူဇင်ဘတ် နိုင်ငံသားများသည် တစ်နှစ်လျှင် ပျမ်းမျှအမြင့်ဆုံး ဒေါ်လာ ခြောက်သောင်းကျော်ထိ ၀င်ငွေရရှိကြကာ အမေရိကန်ကို ကျော်တက်သွားခြင်း ဖြစ်သည်။ အမေရိကန်က (၅၇၁၃၉) ဒေါ်လာဖြင့် ဒုတိယ နေရာတွင် ရပ်တည်သည်။ ဆွစ်ဇာလန်က တတိယနေရာတွင် ရပ်တည်နေသည်ကို တွေ့နိုင်သည်။

ထိပ်ဆုံး ဆယ်နိုင်ငံထဲတွင် ဥရောပ မြောက်ပိုင်းခြမ်း နိုင်ငံများ ဖြစ်သည့် နော်ဝေ၊ အိုက်စ်လန်၊ နယ် သာလန်၊ ဒိန်းမတ်၊ ဘယ်လ်ဂျီယံ နိုင်ငံများ လွှမ်းမိုးထားသည်။ ကနေဒါ၊ သြစတြေးလျ တို့လည်း ပါဝင်သည်။

OECD အဖွဲ့ဝင် နိုင်ငံများအားလုံး ရှေ့နှစ်ကနဲ့ စာလျှင် အမြင့်ဆုံး ရနိုင်သည့် ပျမ်းမျှဝင်ငွေ အနည်းငယ်စီ တိုးလာကြောင်း တွေ့ရသည်။ သို့သော် ထိပ်ဆုံး (၁၀) နိုင်ငံထဲတွင် သြစတြေးလျ၊ နယ်သာလန်၊ ဘယ်လ်ဂျီယံ တို့ကား ၂၀၁၄ တွင် ၂၀၁၃ တုန်းကထက် ပျမ်းမျှအမြင့်ဆုံး ၀င်ငွေအနည်းငယ် လျော့ကျခဲ့ကြောင်း တွေ့ရသည်။

လူဇင်ဘတ် ထိပ်ဆုံး တက်လာနိုင်ခြင်းမှာ အနိမ့်ဆုံး အခြေခံ လစာများ တိုးမြှင့်လိုက်ခြင်း ရလဒ် ဖြစ်သည်။ ၂၀၁၃ ခုနှစ်ကစပြီး လူဇင်ဘတ်သည် OECD နိုင်ငံများထဲတွင် အခြေခံလစာ အမြင့်ဆုံးနိုင်ငံ ဖြစ်လာသည်။

နောက်ထပ် သိရသော အချက်များကား OECD အဖွဲ့ဝင် နိုင်ငံများထဲတွင် လူဇင်ဘတ် နိုင်ငံမှ ကျောင်းဆရာများသည် ကမ္ဘာပေါ်တွင် လုပ်ခလစာ အမြင့်ဆုံးဟူ၍ ဖြစ်သည်။ ဘဏ္ဍာရေးနှင့် ဘဏ်လုပ်ငန်း ၀န်ဆောင်မှု ကဏ္ဍများ ကောင်းမွန်နေမှု၊ ငွေကြေးကဏ္ဍတွင် နိုင်ငံခြား ရင်းနှီးမြှပ်နှံမှုများ အားကောင်းနေမှု တို့ကြောင့် လူဇင်ဘတ်သည် ကျောင်းဆရာ ဆရာမများကိုလည်း ကမ္ဘာပေါ်တွင် လုပ်ခလစာ အမြင့်ဆုံး ပေးနိုင်သည့် နိုင်ငံအဖြစ် ရပ်တည်နေသည်။
 Credit - messenger news journal