မြန်မာ့သနပ်ခါး

 ရှေးတုန်းကတော့ မွန်ဘုရင် ရာဇဓိရာဇ်၊ ရှင်မဟာရဋ္ဌသာရတို့က သနပ်ခါးကိုရည်ညွှန်းတဲ့ ကဗျာလင်္ကာတွေ ရေးစပ်ခဲ့ဖူးကြပါတယ်။ စာဆိုတော် နတ်ရှင်နောင်ရဲ့ မိဖုရား ရာဇဓာတုကလျာ လိမ်းခြယ်ခဲ့ဖူးတယ်လို့ ယူဆနိုင်မယ့် ရွှေချထားတဲ့ သနပ်ခါး ကျောက်ပျဉ်ကို ပဲခူးမြို့ ရွှေမော်ဓောစေတီတော်ကြီးမှာ လှူဒါန်းထားတာကို တွေ့ရတဲ့ အခါမှာတော့ ရှေးမြန်မာဘုရင်တွေ လက်ထက်ကတည်းက သနပ်ခါးဆိုတာ နန်းတွင်းသုံး အလှအပပစ္စည်းတခုအဖြစ် ရှိခဲ့တယ်လို့ ယူဆလို့ရမှာပါ။

 “ရွှေနံ့သာခေါက်ကိုလ ကျောက်ပျဉ်မှာ အသာ တင် ခန်းခွင်မှာသွေး လိမ်းမယ်လို့ကြံမှန်ယူခဲ့ ဆံတို လေးရယ် ပိန်းရိုက်စို့လေး”ဆိုတဲ့ ကျေးလက်ကောက် စိုက်တေး၊
“ရွှေဘို သနပ်ခါးတုံးများ ရန်ကုန်လိမ်းဖို့ယူ၊ ဘယ်လို အသားမည်းမည်း ဝါဝါညက်ညက်ဖြူ” ဆိုတဲ့ နန်းတော်ရှေ့ ဆရာတင်ရဲ့ မြန်မာ့သနပ်ခါးဂုဏ်ကို ဖော်ကျူး ရေးစပ်တဲ့ သီချင်းတွေ ရှိခဲ့ပါတယ်။

 ဒီဘက်ခေတ်တွေမှာလည်း “ပါးပြင်မှာ သနပ်ခါးလေးနဲ့ ချစ်စရာ ကောင်းလိုက်တာကွာ” လို့ဆိုတဲ့ Black Hole အဖွဲ့က အစိုင်းရဲ့ သီချင်းဟာ လူငယ်တွေ ပါးစပ်ဖျားမှာ ရေပန်းစားနေတာပါ။

 နံ့သာ ၁၀ ပါးထဲမှာ အခေါက်နံ့သာအဖြစ် ပါဝင်တဲ့ သနပ်ခါးကောင်းတပင် ဖြစ်လာဖို့ကလည်း မလွယ်ကူ လှပါဘူး။အပွေး၊ အသား၊ အနှစ်ကောင်းရဖို့အတွက် သနပ်ခါးပင်တပင် စတင်စိုက်ပျိုးတဲ့ အချိန်ကနေ ဖြတ်ယူမယ့် အချိန်ထိ တယုတယ စိုက်ပျိုးရသလို၊ မြေကောင်းမြေသန့် ဖြစ်ဖို့ကိုလည်း ဂရုစိုက်ရတယ်လို့ မုံရွာမြို့အနီး ခတက်ကံတောင်ရွာက သနပ်ခါးစိုက် တောင်သူ ဒေါ်မြကျင်က ရှင်းပြပါတယ်။ဝါဆိုလနဲ့ ဝါခေါင်လဆန်းလောက်မှာ သီးပွင့်လာတဲ့ သနပ်ခါးသီးတွေကို လက်နဲ့ညှစ်၊ ရေအနည်း ငယ်စွတ်ယူပြီး မြေကြီးထည့် ထားတဲ့ အိတ်ငယ်တခုနဲ့ စိုက်ပျိုးရတာပါ။ အပင် ၃ လ သား ကနေ ၁ နှစ် သား အရွယ်ရောက်မှ သတ်မှတ်မြေ နေရာကို ပြောင်းပြီး စိုက်ပျိုးရတယ်လို့ သိရပါတယ်။ မိုးရေများများရတဲ့ ဝါခေါင်လနဲ့ တော်သလင်း လတွေမှာ သနပ်ခါးပင်ကို စိုက်ပျိုးမှ သနပ်ခါးအသားစွဲသလို အပင်လုံး ပတ်ကြီးထွားပြီး အပွေးအသားကောင်း အောင် စနစ်တကျ စိုက်ပျိုးနည်းအဖြစ် မြေပေါင်တတန်းနဲ့ တတန်း အကြားမှာ လက် ၆ တောင်လောက်ခြားပြီး အပင်တပင်နဲ့ တပင်ကြား လက် ၃ တောင် လောက် ခြားလို့ စိုက်ပျိုးရကြောင်း သနပ်ခါးစိုက် တောင်သူတွေ ထံက သိရပါတယ်။ပုံမှန်အားဖြင့် အပွေး၊ အသားကောင်းတဲ့ သနပ်ခါး တပင်ရဖို့ နှစ် ၂၀၊ ၃၀ ကျော်လောက် စိုက်ပျိုး ထားရတယ်လို့လည်း သနပ်ခါးစိုက် တောင်သူတွေက ဆိုပါတယ်။
သနပ်ခါးပင်တွေကို စစ်ကိုင်းတိုင်းဒေသကြီး၊ မကွေးတိုင်းဒေသကြီးနဲ့ ရှမ်းပြည်နယ်မှာရှိတဲ့ ဒေသတချို့မှာ စိုက်ပျိုးကြပါတယ်။ဒါ့အပြင် အိန္ဒိယနိုင်ငံ ဟိမဝန္တာတောင်၊ အာသံ၊ ဩရိဿ ပြည်နယ်တို့နဲ့ ဒက္ခိဏ ကုန်းပြင်မြင့်က ခြောက်သွေ့ ဒေသ တွေမှာလည်း ပေါက်ရောက်တယ်လို့ တချို့ မှတ်တမ်းတွေက ဆိုပါတယ်။

သနပ်ခါးပင် ဆိုတာ အပူပိုင်းဒေသတွေမှာ အဓိကပေါက်ရောက်တဲ့ ဆူးရှိအသားမာကျောပင် တမျိုးဖြစ်ပြီး ရုက္ခဗေဒ အခေါ်အရ လင်မိုနီးယား အက်ဆစ်ဒီစီမား (Limonia acidissima) လို့ခေါ်ကြောင်း Xanthoto xin ၊ Phenylacetox Yocun Arin Umbelliferone ၊ Limonin ၊ Iuvangetin ဒြပ်ပေါင်းတွေ ပါဝင်နေတယ်လို့ လေ့လာသိရှိပါတယ်။ ရှေးလူကြီးသူမ တွေကတော့ သနပ်ခါးဟာ
 ဆေးဖက်ဝင်တယ်လို့ ယုံကြည်ကြပါတယ်။ပင်စည်ကို သနပ်ခါးတုံးတွေအဖြစ် ဖြတ်တောက် ရောင်းချပြီး အမြစ်ကို သွေးလိမ်းမယ်ဆိုရင်တော့ ကိုယ် အရေပြား ရောဂါတချို့ ပျောက်ကင်းနိုင်သလို၊ အသားအရေကိုလည်း ချောမွေ့စေတယ်လို့ သိရပါတယ်။ သနပ်ခါးရွက်ကိုပြုတ်ပြီး ဖန်ရေအဖြစ်သုံးမယ်ဆိုရင်တော့ အနာမန်းနိုင်တယ်လို့ သနပ်ခါးခြံ စိုက်ပျိုးသူတွေက ဆိုပါတယ်။ သနပ်ခါးဟာ ပူလောင်တဲ့ နွေရာသီမှာလိမ်းထားရင် အေးနေသလို၊ အေးချမ်းတဲ့ ဆောင်းကာလမှာ လိမ်းတဲ့အခါ နွေးတယ်လို့လည်း ယူဆ ထားကြပါတယ်။ လသားအရွယ် ကလေးငယ်ကို ရေချိုးအပြီးမှာ သွေးထားတဲ့ သနပ်ခါးစစ်စစ် လိမ်းပေးရင်း ပါးစပ်ထဲကိုပါ ခွံ့ပေးတာလည်း မြန်မာ့ဓလေ့ တခုလို ဖြစ်ခဲ့ပါတယ်။

အခုအချိန်မှာတော့ မြန်မာ့သနပ်ခါးကို ထိုင်း၊ မလေးရှား၊ ဖိလစ်ပိုင်၊ စင်ကာပူစတဲ့ အရှေ့တောင်အာရှ ဒေသတွင်းမှာရှိတဲ့ စီးပွားရေးသမားတွေက မျက်စိကျနေကြပြီး သနပ်ခါးအလှကုန်တွေနဲ့ ကမ္ဘာတဝန်းကို ဈေးကွက် ထိုးဖောက်နိုင်ဖို့အရေး အပြိုင်အဆိုင် ကြိုးပမ်းလာကြပြီ ဖြစ်ပါတယ်။
ကမ္ဘာ့နာမည်ကြီး အွန်လိုင်း ဈေးဝယ်စင်တာဖြစ်တဲ့ Amazon မှာတောင် မြန်မာ့သနပ်ခါးက နေရာတနေရာ ယူနိုင်နေပါပြီ။မြန်မာ့သနပ်ခါးကို ထိုင်းအခြေစိုက် Everyday Happy ကုမ္ပဏီက Deleaf ဆိုတဲ့ နာမည်နဲ့ သနပ်ခါး ပေါင်ဒါအဖြစ် ပြည်တွင်းပြည်ပမှာ ရောင်းချနေသလို ဖိလစ်ပိုင်နိုင်ငံက ကုမ္ပဏီတခုကလည်း Organic Thanakha ဆိုတဲ့ နာမည်နဲ့ ၂၀ဝ၈ ခုနှစ် ကတည်းက နိုင်ငံတကာကို ဖြန့်ဖြူး ရောင်းချနေပါတယ်။
ပြည်တွင်းမှာ ဒေါ်သီ၊ ရွှေပြည်နန်း၊ ရွှေဘိုမင်း သမီး၊ တောင်ကြီးမောက်မယ်နဲ့ လှ စတဲ့ သနပ်ခါးလုပ် ငန်းတွေရှိပေမယ့် နည်းပညာအရ သနပ်ခါးထွက်ကုန် တွေဟာ ကမ္ဘာ့စံချိန်မီဖို့ လိုအပ်နေဆဲပါ။

 မြန်မာ့ သနပ်ခါးဟာ ထီးသုံးနန်းသုံးလည်းဖြစ်၊ ရှေးစာဆိုတော်တွေကတောင် ဖွဲ့နွဲ့ရေးသားခဲ့ကြတဲ့ အလှကုန်တခု ဖြစ်ခဲ့ပေမယ့် မြန်မာမလေးတွေက ပါးမှာလိမ်းခြယ်ဖို့ စိတ်ဝင်စားမှု နည်းလာတာ ဘာ ကြောင့်လဲဆိုတာ တွေးစရာပါ။ရန်ကုန်မြို့သူ တချို့ကတော့ အပွေး၊ အသားကောင်းတဲ့ သနပ်ခါးတုံး စစ်စစ်တွေက ဈေးကြီးလွန်းတာရယ်၊ သနပ်ခါးတုံး အတုတွေလည်း ဈေးကွက်ထဲ ဝင်နေတာရယ်၊ ရုံးချိန်မီဖို့အရေး သနပ်ခါးသွေးဖို့ အချိန်မပေးနိုင် တာရယ်၊ တချို့ကုမ္ပဏီနဲ့ စက်ရုံ အလုပ်ရုံတွေမှာ သနပ်ခါးမလိမ်းရဆိုတဲ့ စည်းကမ်းချက်တွေ ထုတ်ထားတာရယ် စတာတွေကြောင့် သနပ်ခါး မလိမ်းဖြစ်တော့တာလို့ ဆိုပါတယ်။ရန်ကုန်မြို့တွင်း အလုပ်သွား၊ ရုံးတက်၊ကျောင်းတက်၊ ရှော့ပင်ထွက် လုပ်နေတဲ့ မိန်းကလေးတွေရဲ့ ပါးပြင်မှာ သနပ်ခါးပါးကွက်ကျားလေးတွေ တွေ့ရခဲသွားပေမယ့်
 နှုတ်ခမ်းနီလေးတွေရဲ့ အသည်းစွဲ အဆိုတော်တဦး ဖြစ်သူ သားသားရဲ့ “သနပ်ခါးကို ဘယ်ညာလိမ်း … ဆံထုံးလေးပါထုံး” ဆိုတဲ့ တေးသွားတစကတော့ ရန်ကုန်မြို့ထဲ လမ်းမတွေမှာ ပျံ့လွင့်ဆဲပဲ ဖြစ်ပါတယ်။

 

Credit : Irrawaddy