လွင့်ကြွေခဲ့သော အိပ်မက်များ

လွန်ခဲ့သော ဆယ်စုနှစ် အချိန်ကာလ တစ်ခုက ဖြစ်သည်။ နှစ်ထပ်တိုက် အိမ်ကြီးတစ်ခု၏ မီးရောင်မှိန်မှိန် ထွန်းထားသည့် အခန်းတစ်ခုထဲ အမျိုးသားနှစ်ဦးနှင့် အမျိုးသမီးတစ်ဦး ရှိနေသည်။

နွေဦး၏ ညဦးကာလ.... သွေးသားရောင်းသူနှင့် သွေးသားဝယ်သူ အမျိုးသားတစ်ဦး၏ အလိုဆန္ဒများ ပြည့်ဝစေရန် အမျိုးသမီးငယ်လေးက ဖြည့်ဆည်းပေးနေချိန် အခြား အမျိုးသားတစ်ဦးက ရမ္မတ်ခိုး၊အရက် ခိုးများဝေနေသည့် မျက်ဝန်းများဖြင့် တစ်စိမ့်စိမ့် ထိုင်ကြည့်နေသည်။ ပတ်ဝန်းကျင်က တိတ်ဆိတ်နေသည်။ ထိုအမျိုးသမီးငယ်က ရှက်ရွံ့ဟန်ဖြင့် မျက်နှာကို ခေါင်းအုံးဖြင့် ဖုံးထားသည်။ ထို့နောက် ''ကျွန်မဖြင့် ရှက်လိုက်တာ။ ဒါကလည်း ဒီအလုပ်မှာ ပထမဆုံး အတွေ့အကြုံ ။ သူတို့က နှစ်ယောက်၊ ကိုယ်က တစ်ယောက်တည်း။ အသတ်ခံရမှာလည်း ကြောက်တယ်။ စကားလည်း မပြောရဲဘူး။ ကျွန်မဒူးတွေဆို တုန်နေတာပဲ'' ဟု အဆိုပါ ခေါင်းအုံး မျက်နှာဖုံးထားသည့် အမျိုးသမီးက ပြောသည်။

သူမနာမည်က မရင်ဦး။ လီစူးတိုင်းရင်းသူ တစ်ဦး။ ယောကျာ်းသားများ၏ တက်ကြွသည့်လိင်စိတ် အသုံးချခံရာ လိင်အလုပ်သမ တစ်ဦး။ သူမဘ၀၊ သူမအလုပ်၏ မြစ်ဖျားခံရာ လွန်ခဲ့သည့် အချိန်ကာလများကို ပြန်ပြောပြနေခြင်း ဖြစ်သည်။ မရင်ဦးက ရှမ်းပြည်နယ်-မိုးမိတ် မြို့နယ်အတွင်းရှိ ကျေးရွာ တစ်ရွာမှ ဖြစ်သည်။ တောင်သူ မိဘနှစ်ပါးမှ မွေးဖွားခဲ့ပြီး တစ်ဦးတည်းသော သမီးဖြစ်သည်။ မရင်ဦး အသက် ခုနစ်နှစ် အရွယ်တွင် ဖခင်ဖြစ်သူ ဆုံးပါးခဲ့သည်။ မိခင်ကြီး ဖြစ်သူ၏ ရှာဖွေ ကျွေးမွေးမှုအောက်တွင် မရင်ဦး ဒသမတန်းသို့ ရောက်ရှိခဲ့သည်။ သူမထက် အသက်ရှစ်နှစ်ခန့် ကြီးသူ ယောကျာ်းသား တစ်ဦးနှင့် မေတ္တာမျှခဲ့သည်။ ဒါသည် မရင်ဦး၏ ဘ၀အစ ဖြစ်သည်။

''အဲဒီအချိန် ကျွန်မက အသက် (၁၆) နှစ်ပဲ ရှိသေးတယ်။ အဲဒီမှာ ကျွန်မတို့ အတူနေလိုက်ကြ တယ်ပေါ့'' ဟု ပြောသည်။ နောက်တွင် ဖြစ်သင့် ဖြစ်ထိုက်သည့် အရာက ပေါ်လာခဲ့သည်။ မရင်ဦး ကိုယ်ဝန်ရခဲ့သည်။ အထက်တန်း ကျောင်းသူလေး မရင်ဦး။ ဗိုက်တကားကားဖြင့် မရင်ဦး။ မိခင်အိုကြီး၏ သမီးကလေး မရင်ဦးကို သူ့ချစ်သူက စွန့်ပစ်ခဲ့သည်။ ရရှိလာသည့် ကိုယ်ဝန်က သူနှင့်ရသည့် ကိုယ်ဝန် မဟုတ်ဟူသော အကြောင်းပြချက်ဖြင့် တစ်နယ် တစ်ကျေးသို့ ထွက်သွားခဲ့သည်။ ''ဗိုက်ကြီးနဲ့ ဆိုတော့ အလုပ်မလုပ်နိုင်ဘူး။ အမေ့လုပ်စာနဲ့ကလည်း စားသောက်ရုံပဲ ရှိတယ်။ ကလေးဗိုက်ကြီးနဲ့ ပိုက်ဆံတွေ ယူရင် အကြွေးတွေက တင်လာတယ်။ အဲဒီနှစ်မှာပဲ ကံမကောင်းချင်တော့ စိုက်ထားတဲ့ ကြံဈေးတွေကလည်း ထိုးကျတယ်။ ကလေးကလည်း မွေးပြန်တယ်'' ဟု သူမကဆိုသည်။

ပြန်မသွားချင်တော့သည့် အတိတ်ကို ခေတ္တပြန်ရောက်သွားသလို ဖြစ်သည့် မျက်နှာက မှုန်မှုန် မှိုင်းမှိုင်း။ မရင်ဦး ဆုံးဖြတ်ချက် တစ်ခုချသည်။ မန္တလေးသွားမည်။ အလုပ်တစ်ခုခု လုပ်မည်။ အိမ်၏ ယိုင်နဲ့နေသည့် စီးပွားရေးကို ကျားကန်မည်။ သူမ၏ သားကလေး တစ်နှစ်ခွဲခန့်တွင် မရင်ဦး မန္တလေးသို့ ထွက်ခဲ့သည်။ မရင်ဦး ဈေးချိုနားက စတိုးဆိုင် တစ်ခုတွင် အလုပ်ရသည်။ ရသည့် လစာက နှစ်သောင်း။ အိမ်အလုပ်လုပ်၊ ကလေးထိန်း၊ မနက်အစောကြီး ဈေးသွား၊ ထမင်းဟင်းချက်။ ဒါမရင်ဦး၏ နေ့စဉ် အလုပ်ဖြစ်သည်။ ထိုအချိန်က မရင်ဦး အသက် (၁၈) နှစ်ခန့် ဖြစ်သည်။ ''အဲဒီမှာ ကျွန်မ နှစ်လလောက် ကြာတယ်။ အိမ်ရှင်တွေက နှိပ်စက်တယ်။ ကလေးက တစ်ဖက်၊ အလုပ်က တစ်ဖက်နဲ့ ။ ပစ္စည်းတွေကွဲရင် လျော်ရတယ်။ လကုန်လို့ လစာထုတ်ရင် တစ်သောင်းခွဲလောက်ပဲရ တယ်'' ဟု ဆိုသည်။ မရင်ဦးမှာ အိမ်ရဲ့စီးပွားရေးကို ကျားကန်မည့် အိပ်မက်များက တဖြည်းဖြည်း ပဲ့ကြွေနေသည်။ ရိုးအခြင်း၊ ဗဟုသုတ မရှိခြင်းတို့ဖြင့် မရင်ဦး၏ မျှော်လင့်ချက်များ အရောင်မှိန်ခဲ့ရသည်။

တစ်နေ့ . . . . မရင်ဦးတို့ ဆိုင်ဈေးဝယ်လာသည့် အမျိုးသမီးကြီး တစ်ဦးက သည်အလုပ်ထက် ကောင်းသည့် အလုပ်ရှိကြောင်း ဆိုလာသည်။ အမေ့မျက်နှာ မြင်ယောင်ရင်း၊ အိမ်၏ အကြွေးများ အကြောင်း စဉ်းစားရင်း မရင်ဦး လွယ်လွယ်ကူကူပဲ ခေါင်းညိတ်လိုက်သည်။ ဒါသည် မရင်ဦး၏ မှောင်မိုက်သည့် ဘ၀အစဟု မရင်ဦး မသိခဲ့။ ''သူကတော့ ဈေးရောင်းလို့ပဲ ပြောတယ်။ ကျွန်မကို မြစ်ဆိပ်က အိမ်ကြီး တစ်အိမ်ကို ခေါ်သွားတယ်။ ထရံကာ နှစ်ထပ်အိမ်ကြီး အပေါ်မှာလည်း ကောင်မလေးတွေ ရှိနေတယ်။ သူတို့လည်း ကျွန်မလိုပဲ ဈေးရောင်းတဲ့ သူတွေပဲလို့ ကျွန်မထင်ခဲ့တယ်။ မိန်ခလေး အဖော်ရှိတယ်ဆိုပြီး ကျွန်မနေခဲ့လိုက်တယ်'' ဟု မရင်ဦးက ပြောသည်။ ထိုအိမ်ကြီးသို့ မရင်ဦးရောက်သည့် အချိန်က နေ့လယ်ခင်း အချိန် ဖြစ်သည်။ နေ၏ အလင်းရောင် လျော့ကျလာသည်။ အမှောင်ရိပ်တို့ ချဉ်နင်းဝင်ရောက်လာသည် နှင့်အတူ ထိုအိမ်ကြီးဆီသို့ အမျိုးသားများ တစ်ဦးပြီး တစ်ဦး ရောက်ရှိလာသည်။ တစ်ဦးပြီး တစ်ဦး အခန်းထဲ ၀င်သွားကြသည်။ လိင်အရောင်းအ၀ယ် ပြုလုပ်သည့်နေရာ။ ''ကျွန်မသိသိချင်း ခေါင်းတွေ ထူပူသွားတာပဲ။ ကျွန်မဘယ်သူ့ကိုမှလည်း မကြည့်ရဲဘူး။ ဒူးတွေကို တုန်နေတာပဲ။ ဘယ်မှလည်း မသွားတတ်။ ထွက်ပြေးလို့လည်း မရဘူး။ အပြင်မှာ ယောကျာ်းတွေ အများကြီး စောင့်နေကြတယ်။ ကျွန်မ သိပ်နောက်ကျသွားပြီဟု ပြောသည်။ ထိုအိမ်ကြီးတွင် တစ်ပတ်လောက်ထိ မရင်ဦး လိင်အရောင်းအ၀ယ် မပြုလုပ်ခဲ့ရ။ နောက်ထိုအိမ်မှ အမျိုးသမီးတစ်ဦးက ဆိုလာသည်။ ''ညီမလေး၊ ညီမလေးကို လာပို့တဲ့ အစ်မကြီးက ပိုက်ဆံတွေ ယူသွားတယ်။ အကြွေးဆပ်ရမယ်။ ညီမလေး ဘယ်လို လုပ်ပေးမှာလဲလို့ ပြောတယ်။ ကျွန်မမှာ နားကပ်ပါတယ်။ နားကပ်ပေးရင်တော့ သွားလို့ရတယ် ပြောတယ်။ နားကပ်ကလည်း မပေးချင်ဘူး။ ကိုယ်မှ မရှိပါဘူးဆိုမှ။ ဒါနဲ့ ကျွန်မလည်း ဘာလုပ်ပေးရမလဲ ပြောတော့ အဲဒီအစ်မကြီးက အစ်ကိုကြီးနဲ့ လိုက်သွား။ သူတို့ပြောတဲ့ အတိုင်းနေရုံပဲ'' ဟု မရင်ဦးက ပြန်ပြောပြသည်။

ထိုနေ့ညက အကြောင်းအရာများ မရင်ဦး မျက်ဝန်းထဲ ပြန်ပေါ်လာသည်။ သွေးသားရောင်းသူနှင့် ၀ယ်သူ အမျိုးသားတစ်ဦး၏ အလိုဆန္ဒများ ပြည့်ဝစေရန် မရင်ဦးဖြည့်ဆည်း ပေးနေချိန် အခြား အမျိုးသား တစ်ဦးက အရက်သောက်ရင်း ထိုင်ကြည့်နေသည့် မြင်ကွင်းက မရင်ဦး၏ အတွေးထဲ အစီအရီပေါ်လာသည်။
ထိုအချိန် မရင်ဦးခေါင်းထဲဝင်လာသည်က အမေ။ ပြီးနောက် ချစ်တဲ့သားငယ်။''အမေသာ သိရင်တော့ အသတ်ခံရမှာပဲပေါ့။ ရွာထဲက လူတွေများသိရင် ဘယ်လောက်များ ရှက်လိုက်မလဲ။ သူတို့နဲ့ နေလိုက်တဲ့ အတွက် သားလေး အတွက် ပိုက်ဆံရတယ်။ ၀ယ်ပေးချင်တာတွေ ၀ယ်ပေးနိုင်ပြီ။ ဒီလိုတွေးမိတယ်။ နောက်ဒီလို လုပ်တာ ခရစ်ယာန် ဘုရားကလည်း မကြိုက်ဘူးလေ။ ဘုရားက အပေါ်ကနေ ကြည့်နေမှာပေါ့။ အပြစ်ပေးခံရတော့မှာပဲလို့ ဦးနှောက်ထဲ ရောက်လာတယ်'' ဟု ပြောသည်။
တုန်ယင်နေသော အသံက ရှိုက်သံများ အဖျားဆွတ်လျက် ရှိသည်။ အသံမထွက်သော ငိုခြင်း၊ အသံ မထွက်သော ရှိုက်ခြင်းကို မရင်ဦး ပြုသည်။ ပါးပြင်ပေါ် မျက်ရည်များ တလိမ့်လိမ့် ကျဆင်းလာတာကို တွေ့ရသည်။ ပါးပြင်ပေါ် ကျလာသည့် မျက်ရည်စများကို တစ်ရူးစဖြင့် သုတ်လိုက်စဉ် ခဏလက်ဖျားများ တဆတ်ဆတ် တုန်နေသည်။ ထိုညအတွက် ဧည့်သည်က မရင်ဦးကို မုန့်ဖိုး (၅၀၀၀) ပေးသည်။ ဧည့်သည်ဖြင့် အပြင် လိုက်သွားပါက တစ်သောင်းပေးမည်ဟု မရင်ဦးနေသည့် အိမ်မှ အမျိုးသမီးကြီးနှင့် သဘောတူထားသည်။ သို့သော် မရင်ဦးအိမ်ကို ပြန်ရောက်တော့ ပိုက်ဆံတစ်သောင်း မရသည့် အပြင် ဧည့်သည် ပေးလိုက်သည့် မုန့်ဖိုး (၅၀၀၀) ကိုပါ ထိုအမျိုးသမီးကြီးက သိမ်းယူခဲ့သည် ဆိုသည်။ အကြောင်းပြချက်က အကြွေးဆပ်ရန် ဟူသတည်း။ မရင်ဦး၏ အိမ်ဝင်အကြွေးများကို ဆပ်ရန်၊ သားအတွက် လိုချင်တာတွေ ၀ယ်ပေးရန် ဟူသော အိပ်မက်များက ဆက်လက် ပြိုကွဲဆဲဖြစ်သည်။

ခန္ဓာကိုယ်ကို အရင်းအနှီးပြု၍ ရှာဖွေစားသောက် ရသောဘ၀တွင် ပြန်မတွေ့ချင်သော၊ ပြန်မဖြစ်ချင်သော ဖုန်ထူထူ နွေညများလည်း ရှိခဲ့သည်။ တစ်ည။ ''အဲဒီတစ်ညမှာပေါ့။ ကျွန်မကို လူတစ်ယောက်က ကြာနီကန် သုသာန်နားက တဲအိမ်တစ်ခုထဲ ခေါ်သွားတယ်။ လာခေါ်တုန်းကတော့ တစ်ယောက်တည်းပဲ။ အဲဒီ တဲအိမ်ကို ရောက်တော့မှ နောက်ထပ် လူငါးယောက်လောက် ဆိုင်ကယ်တွေနဲ့ အလျှိုအလျှို ရောက်လာကြတယ်။ တစ်ယောက်ပြီး တစ်ယောက်နေကြတယ်။ ကျွန်မမှာ မအော်ရဲဘူး။ ပုံမှန်မဟုတ်ဘဲ လိင်ဆက်ဆံဖို့လည်း ကြိုးစားကြတယ်။ ကျွန်မက ငိုပြီး တောင်းပန်တော့ ကျွန်မကို ရိုက်ပြီး ဒီအတိုင်းထားသွားကြတယ်။ ပိုက်ဆံလည်း တစ်ပြားမှ မပေးဘူး'' ဟု မရင်ဦး နာကြည်းစွာ ပြောသည်။
ညဥ့်နက်နက်မှာ ဖုန်ထူထူ လမ်းမတွေကို ဖြတ်သန်းရင်း မန္တလေးရှိရာ အရပ်ဆီ မရင်ဦးမှန်း၍ ပြန်ခဲ့သည်။ မရင်ဦး၏ ခြေတစ်ဖက်က ကောင်းစွာမသန်။ ကြယ်ရောင်ကို အားပြုရင်း ဖိနပ်ကို လက်မှာကိုင်ရင်း မရင်ဦး ထိုညကို ဖြတ်သန်းခဲ့ရသည်။ ခွေးဟောင်သံကများက မရင်ဦးနှင့် ဝေးရာကျန်ခဲ့ပြီ။

ထိုနေ့မှစ၍ မရင်ဦး မြစ်ဆိပ်က အိမ်ကြီးဆီကို ပြန်မသွားတော့။ သီရိမန္တလာ ကားကြီးကွင်းက တည်းခိုခန်း တစ်ခုတွင် အလုပ်ဝင်ခဲ့သည်။ လိင်အရောင်းအ၀ယ် အလုပ်။ ထိုနေရာတွင် မရင်ဦး ပိုက်ဆံရသည်။ အိမ်အတွက် ပိုက်ဆံပို့နိုင်ရန် ငွေကြေးစုနိုင်ခဲ့သည်။ ခန္ဓာကိုယ်ကို အရောင်းအ၀ယ် ပြုရာမှရသည့် ပိုက်ဆံကို ပထမဦးဆုံး အကြိမ် အိမ်ကို ပို့နိုင်ခဲ့သည်။ မှတ်မှတ်ရရ အိမ်ကိုပို့သည့် ပိုက်ဆံက ငွေကျပ် တစ်သိန်းနှစ်သောင်း။ အိမ်သို့ ကိုယ်တိုင်ပြန်ပို့ခဲ့ခြင်း ဖြစ်သည်။ ''အိမ်ရောက်တော့ ကလေးက ကျွန်မကို မမှတ်မိဘူး။ ပုန်းနေတယ်။ ကျွန်မခေါ်တာ မလာဘူး။ ကျွန်မ သိပ်ဝမ်းနည်းတယ်။ ကိုယ်က ဒီအလုပ်တွေ လုပ်ပြီးတော့မှ ပိုက်ဆံ ပို့ပေးရတာ။ ကလေးကို ထောက်ပံ့ရတာ။ သူကြီးလာလို့ သူ့အမေက ဒီအလုပ်လုပ်ပြီး သူ့ကိုထောက်ပံ့ရမှန်း သိသွားရင် ငါ့အမေက ဒါကြီးပါလားလို့ သူသိသွားရင် သူ့ဘ၀မှာ အမည်းစက်ကြီး တစ်ခုဖြစ်သွားမှာ သိပ်စိုးရိမ်တယ်။ အမေ့ကိုလည်း ဈေးရောင်းတယ်လို့ လိမ်ထားတယ်'' ဟု မရင်ဦးက ဆိုသည်။ ပြောနေရင်း မရင်ဦး အသံများ တိမ်ဝင်သွားသည်။ မျက်ရည်များက တစ်ပေါက်ပေါက် ကျဆင်းလို့ လာပြန်သည်။ တစ်ကိုယ်လုံး တုန်နေသည်။ ထွက်လာသည့် အသံက ကျဉ်းထဲ ကျပ်ထဲက အားယူပြီး ထွက်လာသည့် အသံမျိုးဖြစ်သည်။ ရိုးသားသည့် တောသူ အမေအိုကြီးကို လိမ်ပြောရသည့် ဘ၀။ ချစ်သည့် သားငယ်၏ ဘ၀နောင်ရေး အတွက် ခန္ဓာကိုယ်ကို အရင်းပြု စီးပွားရှာရသည့်ဘ၀။ မချစ်ခင်၊ မနှစ်သက်သည့် ယောကျာ်းတကာ၏ စိတ်ဆန္ဒများ ဖြေဖြောက်ရန် အတွက် မိမိဘ၀ကို အသုံးချခံရသည့် ဘ၀။ ထိုအတွေးများက မရင်ဦး၏ မျက်ဝန်းတွင် မြင်နေရသည်။ ''ကျွန်မ ပိုက်ဆံ အရမ်းလိုချင်တယ်။ ဒီဆင်းရဲတဲ့ ဒဏ်ကို မခံချင်ဘူး။ သူများကို ပေးစရာရှိတဲ့ အကြွေးတွေ ပေးချင်တယ်။ အမေမျက်နှာငယ်မှာကို စိုးတယ်'' ဟု မရင်ဦးက ဆို့နင့်စွာ ပြောသည်။

အမေ၏ သမီးလိမ္မာလေး တစ်ယောက်အဖြစ်၊ သားတစ်ဦး၏ အားကိုးထိုက်သော မိခင်တစ်ဦး အဖြစ် မရင်ဦး ရပ်တည်ချင်သည်။ တာဝန်ကျေချင်သည်။ တာဝန်ကျေချင်ခဲ့သည်။ မရင်ဦး၏ ကြမ်းတမ်းလှသည့် ဘ၀တွင် ရယ်စရာ အဖြစ်အပျက်များလည်း ရှိခဲ့သည်။ ရဲလာဖမ်းသည့် ကာလများ ဖြစ်သည်။ ''ကျွန်မအရင် မြစ်ဆိပ်က အိမ်မှာနေရင်း ရဲတွေလာဖမ်းတယ်။ အဲဒီအချိန်ဆို မြစ်ထဲခုန်ချပြီး ရေငုပ် နေလိုက်တယ်။ ၀ါးလုံးတွေနဲ့ အသက်ရူရတယ်။ အမှိုက်ခြင်းတွေ ကြားထဲ ပုန်းနေခဲ့ရတာတွေ ရှိတယ်။ တစ်ခါကဆို ရဲလာလို့ ရေထဲပုန်းနေတာ။ ညီမတွေ တက်ခဲ့တော့လို့ အသံကြားလို့ ကိုယ့်လူခေါ်တယ် မှတ်ပြီး တက်လိုက်တာ အပေါ်ရောက်တော့ ရဲဖြစ်နေတယ်။ လက်ထိတ် ခတ်လိုက်တာ ဂွတ်ခနဲ နေတာပဲ''ဟု ရယ်လျက် ပြောသည်။

သောကများ ခေတ္တသက်သာ သွားဟန်တူသည်။ မျက်နှာက သွေးရောင် အနည်းငယ် ပြန်လွှမ်းလာသည်။ မရင်ဦးတို့ လိင်အလုပ်သမား လောကတွင် ၎င်း၏အဆိုရ အဓိကအားဖြင့် လမ်းပေါ်တွင် လုပ်သော လိင်လုပ်ငန်း၊ ကာရာအိုကေ ခန်းမများတွင် လုပ်သော လိင်လုပ်ငန်း၊ အိမ်တစ်အိမ်တွင် နေထိုင်၍ လုပ်သော လိင်လုပ်ငန်း၊ အနှိပ်ခန်းများတွင် လုပ်သော လိင်လုပ်ငန်း၊ စင်တင်ဆိုင်များတွင် လုပ်သော လိင်လုပ်ငန်းနှင့် Sponser ထားခြင်းဟူ၍ အဓိကအုပ်စု ခြောက်မျိုးရှိသည်။

မရင်ဦး အိမ်တစ်အိမ်တွင် နေထိုင်၍ လိင်လုပ်ငန်း လုပ်ကိုင်ရာမှ လမ်းပေါ်တွင် လုပ်ကိုင်သော လိင်လုပ်ငန်းသို့ ပြောင်းလဲ လုပ်ကိုင်ခဲ့သည်။ မန္တလေးညများ၏ (၈၄) လမ်းပေါ်၊ ကျူံးပတ်လည် တို့သည် မရင်ဦး၏ ခိုးနားရာနေရာများ ဖြစ်လာသည်။ ခြေခင်း လက်ခင်းသာသည့် နွေညများသည် မရင်ဦး၏ အိပ်မက်များ တောက်ပ တက်သော်လည်း မိုးရွာသည့် ညများတွင်တော့ မရင်ဦး၏ အိပ်မက်များက မိုးရေနှင့် အတူ မျောပါတတ်သည်။ ''မိုးရွာတဲ့ ညတွေဆို ကြွက်စုတ်တွေ ကျနေတာပဲ။ မိုးရွာထဲမှာ စောင့်နေရတယ်။ သူများအိမ် အဖီလေးမှာ ခိုနေရတယ်။ အိမ်ရှင်တွေက နှင်ထုတ်ကြတယ်။ အဲဒီလိုညတွေဆို ကျွန်မတို့ ၀င်ငွေနည်းတယ်'' ဟု မရင်ဦးက ဆိုသည်။ ထိုသို့နေပူသော၊ နှင်းကျသော၊ မိုးရွာသော အချိန်ကာလများကို အန်တုကျော်လွှားပြီး သားကလေး၏ ပညာရေး ထောက်ပံ့ပေးနိုင်ရန်၊ မိခင်အိုကြီး၏ အကြွေးများ ဖြေရှင်းပေးနိုင်ရန် ခန္ဓာကိုယ်ကိုယ် အရင်းအနှီးပြု စီးပွားရှာရသော ဘ၀တွင် လူသားမဆန်သော ပြုမူပြောဆိုခြင်းများ မရင်ဦးခံခဲ့ရသည်။ ''ဘ၀မှာ မှတ်မှတ်ရရပေါ့။ ကျူံးဘေးမှာ ထိုင်နေတုန်း လမ်းလျှောက်လာတဲ့ လင်မယား နှစ်ယောက်က ကျွန်မကို ကြည့်ပြီး 'ထွီ' ဆို တံတွေးထွေးသွားတယ်။ သူတို့ကြည့်တဲ့ အကြည့်တွေကို ကျွန်မမကြိုက်ဘူး။ ဘယ်သူက ထိုင်ချင်မှာလဲ။ သူတို့လို ချမ်းသာလို့ကတော့ ဒီလမ်းပေါ် လာထိုင်နေမလား''ဟု ဆို့နင့်စွာ ပြောသည်။ မရင်ဦး ငိုပြန်သည်။ အသားများ တဆတ်ဆတ် တုန်နေရင်း ဆက်ပြောသည်။ ''မခံချင်ဘူး။ အရမ်းမုန်းတာပဲ။ လူကိုကြည့်ပြီးတော့ .....မတွေ ဒီမှာ လာလုပ်စားနေကြတယ်။ ရဲတိုင်ပြီးဖမ်းခိုင်းလိုက်မယ်လို့ ပြောတဲ့သူက ပြောတယ်။ ပြောတဲ့သူတွေ ဒီနေရာမှာ သူတို့ညီမတွေဆို ဘယ်လို ခံစားရမလဲ။ ကျွန်မတို့ ငွေရေးကြေးရေး အဆင်ပြေနေရင် ဒီနေရာကို လာစရာအကြောင်း မရှိဘူး'' ဟု မရင်ဦးက ဆို့နင့်စွာ ပြောသည်။ မျက်ရည်များက တပေါက်ပေါက်။

ထိုသို့ မရင်ဦးခမျာ လမ်းမများပေါ်တွင် ကျင်လည် ကျက်စားရင်း ၂၀၀၉ ခုနှစ်တွင် မရင်ဦးတို့ကဲ့သို့ လိင်လုပ်သားများကို ပညာရေး၊ ကျန်းမာရေး ကူညီဆောင်ရွက်ပေးနေသည့် အဖွဲ့တစ်ခုထံ မရင်ဦး ရောက်ရှိခဲ့သည်။ ထို့နောက် မရင်ဦး သွေးစစ်ခဲ့သည်။ မရင်ဦး HIV Positive ။
''ကျွန်မ နောင်တတွေရခဲ့တယ်။ ကွန်ဒုံးသာ သုံးခဲ့ရင် ဒါမျိုးတွေ ဖြစ်မှာမဟုတ်ဘူး။ အသိပညာ မရှိခဲ့လို့ ဒါမျိုးတွေ ဖြစ်ခဲ့တာ။ ကျွန်မအခု ကျွန်မနဲ့ ဘ၀တူ သူငယ်ချင်းတွေကို ကျွန်မသိသလောက် အသိပညာတွေ ပေးတယ်။ HIV နဲ့ပတ်သက်တဲ့ ဟောပြောပွဲတွေမှာ ကျွန်မရဲ့ အတွေ့အကြုံတွေကို ဟောပြောတယ်။ ကျွန်မလို မဖြစ်စေချင်ဘူး'' ဟု မရင်ဦးက ဆိုသည်။

မရင်ဦးကတော့ လမ်းပေါ်တွင် လုပ်ရသော လိင်လုပ်ငန်းကို မလုပ်တော့။ လိင်အလုပ်သမများ အတွက် ကူညီဆောင်ရွက်ပေးနေသော အဖွဲ့အစည်း တစ်ခုတွင် လခစား ၀င်လုပ်ခဲ့သည်။ သို့သော်ငွေကြေး အခက်အခဲကြောင့် လိင်လုပ်ငန်းကို လုံးဝ စွန့်လွှတ်လိုက်သည်တော့ မဟုတ်။ Sponser နှင့်အတူ နေခြင်းများတော့ ရှိသည်ဟု ဆိုသည်။ သို့သော် ကွန်ဒုံးအသုံးပြုသည်ဟု မရင်ဦးက ဆိုသည်။ မရင်ဦးသည် သူမ၏ ဆက်ဆံဖော်များကို သူမတွင် ရောဂါပိုးရှိကြောင်း ဦးစွာ ပြောပြလေ့ရှိသည်။ ထိုသို့ပြောပြ၍ အဖော်ကို ကွန်ဒုံးသုံးရန် ဖျောင်းဖျလေ့ ရှိသည်။ မရင်ဦးမှာ HIV ပိုးကူးစက်ခံရ ပြီးနောက် မိသားစုနှင့် အတူတကွ နေရမည်ဟူသော အိပ်မက်များ ကြွေလွင့်ခဲ့ရသည်။ ချစ်သည့် သားငယ်အပေါ်၊ ရိုးသားသည့် အမေအိုကြီး အပေါ် ဒီရောဂါ မကူးစက်စေချင်။

''သားနဲ့အတူ အေးချမ်းစွာ အတူနေချင်တယ်။ အမေ့ကိုလည်း ပြည့်စုံစွာ ထားချင်တယ်။ အသက်ကြီးလာတဲ့အခါ ဇာတိကိုပြန်မယ်။ အမေတို့နဲ့ အတူတော့ မနေတော့ဘူး'' ဟုပြောသည်။

လက်ရှိတွင် အမေ့အတွက် အိမ်ဆိုင်လေး ဖွင့်ပေးထားသည်ဟု ဆိုသည်။ သူတို့ဒေသတွင် မရင်ဦးကို မိဘလုပ်ကျွေးသဖြင့် ပတ်ဝန်းကျင်က လေးစားခြင်းများ ခံရသည်ဟု ဆိုသော်လည်း ထိုလေးစားမှုကို ရရှိဖို့အတွက် မရင်ဦး ပေးရသည့် အရင်းအနှီးက ကြီးသည်။ မရင်ဦး ရှာဖွေရသည့် ငွေများသည် ကိုယ်ခန္ဓာကို အရင်းအနှီးပြု ၊ အသွေးအသားကို ရောင်းဝယ်ရာမှ ရလာသည့် ငွေများဟု သိရှိသွားပါက ဘာတွေ ဖြစ်လာမည်။ မသိ......။
messenger news journal