ကင်ဆာဆေးနည်း

 
Bosnia and Herzegovina နိုင်ငံမှာ နေထိုင်တဲ့ အမျိုးသမီးတစ်ဦးက သူမအား အသက်ချမ်းသာရစေခဲ့တဲ့ ဆေးနည်းကို ထပ်ဆင့် ဝေမျှခဲ့တယ်။ ဒီဝေဒနာ ရင်ဆိုင်ခံစားနေရတဲ့ အခြားလူနာတွေ အကူညီပေးဖို့ ဆုံးဖြတ်ခဲ့တယ်။

ယင်းဆေးနည်း ဖော်စပ်ဖို့ ရိုးရှင်းလွယ်ကူပြီး ချင်းနဲ့ ပျားရည်ကိုသာ လိုအပ်ပါတယ်။ ဒီဘော့စ်နီးယမ်း အမျိုးသမီးကတော့ သူမရဲ့ကင်ဆာရောဂါကို ချေမှုန်းပေးနိုင်တဲ့ တစ်ခုတည်းသော ဆေးနည်းဖြစ်ကြောင်း အခိုင်အမာ ဆိုထားပါတယ်။

သူမ endocrine ကင်ဆာရောဂါ ခံစားခဲ့ပြီး ဆေးရုံမှာ အထူးစက်ကိရိယာ အပြည့်အစုံနဲ့ ၃ ပတ်ကြာ ကုသနေစဉ် ရောဂါအခြေအနေ ဆိုးဝါးလာခဲ့ပါတယ်။ ဒီဆေးနည်းက ခွဲစိတ်ကုသူမှု သို့မဟုတ် ဓာတ်ကင်လုံးဝလုပ်စရာမလိုပဲ အသက်ချမ်းသာ ရရှိစေခဲ့ပါတယ်။

ချင်းတက်အကြီးနှစ်ခု အခွံလှီးထုတ်ပြီး ကြေညှက်နေအောင် ထောင်းပါ။ နောက် ပျားရည် ကီလိုဝက်လောက်နဲ့ ရောပေး ရပါမယ်။

ယင်းဖော်စပ်ထားတဲ့ ဆေးကို ခရားတစ်ခုထဲ သိမ်းထားပြီး တစ်နေ့ကို လက်ဖက်ရည်ဇွန်း (၄) ဇွန်း သောက်ပေး ရပါမယ်။ သတိထားရမယ့် အချက်က သံမဏိဇွန်း လုံးဝမသုံးဘဲ ပလပ်စတစ် သို့မဟုတ် ကြွေထည်မြေထည်ဖြင့် ပြုလုပ်တဲ့ ဇွန်းတွေကိုသာ သုံးပေးရပါမယ်။

(၃) ရက်အတွင်း တိုးတက်မှု လက္ခဏာ စတင်တွေ့ရှိရပါလိမ့်မယ်။

အစိုးရသစ်၊ MIC အသစ်နဲ့  ရင်းနှီးမြုပ်နှံမှု အလားအလာ

မြန်မာနိုင်ငံရဲ့ နိုင်ငံရေး၊ စီးပွားရေး ၊အုပ်ချုပ်ရေးနဲ့ ပတ်သက်တဲ့ စီမံခန့်ခွဲရေးလုပ်ငန်းစဉ်တွေကို ရက် ၁၀၀ စီမံကိန်းချမှတ်ပြီး လုပ်ဆောင်နေတဲ့အထဲ ရင်းနှီး မြုပ်နှံမှုတွေ ပိုမိုဝင်ရောက်လာရေး ဘယ်လိုကိုင်တွယ်မလဲဆိုတာ စိတ်ဝင်စားစရာပါ။ စီးပွားရေးဖွံ့ဖြိုးတိုးတက်ဖို့ နဲ့  အလုပ်အကိုင်အခွင့်အလမ်းတိုးမြှင့်ဖို့  အဓိက တွန်းအားဖြစ်တဲ့ တိုင်းပြည်ရဲ့ ရင်းနှီးမြုပ်နှံမှု ကဏ္ဍတွေမှာ ဘယ်လိုဖြေလျှော့မှုတွေ လုပ်မလဲ။ ဘယ်လို မူဝါဒ တွေနဲ့ သွားကြမလဲ။

စီးပွားရေးနဲ့  ပတ်သက်တဲ့ လုပ်ငန်းစဉ်တွေကို ပြည်တွင်းလုပ်ငန်းရှင်တွေရော နိုင်ငံတကာလုပ်ငန်းရှင်တွေကပါ သိချင်နေကြပါတယ်။ နိုင်ငံတကာလုပ်ငန်းရှင်တွေ အတွက်တော့ ရင်းနှီးမြုပ်နှံမှုဥပဒေက အရေးကြီးသလို နည်းပဒေတွေ မူဝါဒတွေကလည်း အရေးကြီးတာပါပဲ။

နိုင်ငံခြားရင်းနှီးမြုပ်နှံမှု ဥပဒေကို ၂၀၁၂ ခုနှစ် နိုဝင်ဘာလ ၂ ရက်နေက ထုတ်ပြန်ခဲ့ပါတယ်။ ဥပဒေသစ် ထွက်ပေါ်လာပြီးနောက်ပိုင်း ရင်းနှီးမြုပ်နှံမှုတွေ ပိုဝင်လာခဲ့ပါတယ်။ ဒါပေမယ့် နိုင်ငံခြားရင်းနှီးမြုပ်နှံမှု ဥပဒေနဲ့ နိုင်ငံသားရင်းနှီးမြုပ်နှံမှု ဥပဒေဆိုပြီး ဥပဒေ နှစ်ခု ဖြစ်နေတာကြောင့် နိုင်ငံတကာလုပ်ငန်းရှင်တွေ စိတ်မသက်မသာ ဖြစ်ကြပါတယ်။

နောက်ပိုင်းမှာတော့ နိုင်ငံခြားရင်းနှီးမြုပ်နှံမှု ဥပဒေနဲ့ နိုင်ငံသားရင်းနှီးမြုပ်နှံမှု ဥပဒေကို ပေါင်းစည်းလိုက်ပါတယ်။ ဒါကို ပြင်ဆင်ချက်တချို့  ထည့်ပြီး လွှတ်တော်တင်ဖို့  ဆွေးနွေးနေကြပါတယ်။ ယခု ဇူလိုင်လဆန်းပိုင်းကို ရောက်တဲ့အထိတော့ အဲဒီဥပဒေမထွက်လာသေးပါဘူး။

“မူပိုင်းဆိုင်ရာတော့ အပြောင်းအလဲ မဖြစ်နိုင်ပါဘူး။ ဥပဒေရဲ့ ကျစ်လစ်မှုကိုပဲ ပိုပြီးဦးစားပေးပြီး ဆွေးနွေးရမှာပါ။ ပြီးရင် ဥပဒေကိုပြဌာန်းတော့မှာပါ”လို့ စီမံကိန်းနဲ့ ဘဏ္ဍာရေးဝန်ကြီးဌာနက ညွန်ကြားရေးမှူးချုပ် ဦးအောင်နိုင်ဦး က ပြောပြခဲ့ပါတယ်။

ပြီးခဲ့တဲ့ အစိုးသက်တမ်းမှာ ၂၀၁၁ -၂၀၁၂ ဘဏ္ဍာရေးနှစ်ကနေ ၂၀၁၅-၁၆ ဘဏ္ဍာရေးနှစ်အထိ ငါးနှစ်တာကာလအတွင်းမှာ စုစုပေါင်းရင်းနှီးမြုပ်နှံမှု အမေရိကန်ဒေါ်လာ ၂၇ ဒဿမ ၅ ဘီလျံဝင်ထားတာ တွေ့ရပါတယ်။ ၂၀၁၅- ၁၆ မှာ ၀င်ရောက်မှု အများဆုံးဖြစ်ပြီး အမေရိကန်ဒေါ်လာ ၉ ဒဿမ ၄ ဘီလျံအထိ ရောက်ရှိခဲ့ပါတယ်။ အဲဒီအထဲမှာ ရေနံနဲ့ သဘာဝဓာတ်ငွေ့ ကဏ္ဍမှာ ရင်းနှီးမြုပ်နှံမှု ၄ ဒဿမ ၈ ဘီလျံ အထိ ရှိနေပါတယ်။ ထုတ်လုပ်မှုမှာ ၁ ဘီလျံလောက် ၀င်ပြီး သယ်ယူပို့ဆောင်ရေးနဲ့ ဆက်သွယ်ရေးမှာတော့ ၁ ဒဿမ ၉ ဘီလျံအထိ ၀င်ရောက်ခဲ့ပါတယ်။ လယ်ယာစိုက်ပျိုးရေးကဏ္ဍမှာ အနည်းဆုံးဖြစ်ပြီး သန်း ၇၀၀ ပဲ ၀င်ခဲ့ပါတယ်။

ဒီမိုကရေစီအစိုးရလက်ထက် ပထမဦးဆုံး ဘဏ္ဍာရေးနှစ်မှာတော့ ရင်းနှီးမြုပ်နှံမှု ၆ ဘီလျံရှိမယ်လို့  မှန်းထား ကြောင်း သိရပါတယ်။ ပြီးခဲ့တဲ့နှစ်က မြန်မာနိုင်ငံကို ပြည်ပရင်းနှီးမြုပ်နှံမှု ၉ ဒဿမ ၄ ဘီလျံ ၀င်ရောက်ခဲ့တဲ့အတွက် လက်ရှိဘဏ္ဍာနှစ်ရဲ့ ခန့်မှန်းချက်က ယခင်နှစ်ထက် သိသိသာသာ နည်းသွားပါတယ်။ အလားတူပဲ မြန်မာနိုင်ငံရင်းနှီးမြှုပ်နှံမှုကော်မရှင် ( MIC ) ကို အသစ်ပြန်ဖွဲ့ စည်းနေတာကြောင့် ရင်းနှီးမြှုပ်နှံမှု အတွက် အဆိုပြုလွှာတင်ထားတာ အမေရိကန် ဒေါ်လာ ၂ ဘီလျံ ရှိပေမယ့် ခွင့်ပြုပြီးတဲ့ ပမာဏက အမေရိကန် ဒေါ်လာ သုံးသန်း ပဲ ရှိသေးတယ်လို့  ဦးအောင်နိုင်ဦးက ပြောပါတယ်။

ထူးခြားချက်က ရင်းနှီးမြှုပ်နှံမှုကို ဦးစားပေးမယ့် ကဏ္ဍတွေပါ။

“ကျနော်တို့ ပထမအစည်း အဝေးမှာဆွေးနွေးတာက
 နံပတ် (၁) အနေနဲ့ကတော့ အလုပ်အကိုင် အခွင့်အလမ်းတွေပေးနိုင်ဖို့ အတွက် လုပ်သားအင်အားကို အဓိကထားတဲ့ လုပ်ငန်းတွေကို ခွင့်ပြုပေးနိုင်ဖို့ နဲ့
 (၂) ကတော့ အခြေခံ အဆောက်အအုံပိုင်းမှာ ရင်းနှီးမြုပ်နှံတာမျိုးကို ဦးစားပေးဖို့ ဆွေးနွေးထားပါတယ်။ သဘာဝ သယံဇာတအပေါ် အမှီပြုတဲ့လုပ်ငန်းတွေကို တတ်နိုင်သမျှ လျှော့ချသွားမှာပါ ” လို့ ဦးအောင်နိုင်ဦးက ပြောပြပါတယ်။

၁၉၈၉ ခုနှစ်ကနေ ၂၀၁၆ ခုနှစ် မေလ ၃၁ ရက်အထိ ပြုစုထားတဲ့စာရင်းအရဆိုရင် မြန်မာနိုင်ငံရဲ့ စုစုပေါင်း ရင်းနှီးမြုပ်နှံမှုပမာဏက ၆၃ ဒဿမ ၇ ဘီလျံ ရှိနေပါတယ်။ ရေနံနဲ့ သဘာဝဓာတ်ငွေ့ကဏ္ဍမှာမြုပ်နှံမှု ၃၅ ဒဿမ ၁၇ ရာခိုင်နှုန်း၊ စွမ်းအင်ကဏ္ဍမှာ ၃၀ ဒဿမ ၃၈ ရာခိုင်နှုန်း၊ ထုတ်လုပ်မှုကဏ္ဍမှာ ၁၀ ဒဿမ ၃၄ ရာခိုင်နှုန်း၊ သယ်ယူပို့ဆောင်ရေးနဲ့ ဆက်သွယ်ရေးမှာ ၇ ဒဿမ ၉ ရာခိုင်နှုန်း၊ အိမ်ခြံမြေမှာ ၄ ဒဿမ ၇ ရာခိုင်နှုန်းနဲ့ သတ္တု တူးဖော်ရေးကဏ္ဍမှာ ၄ ဒဿမ ၅ ရာခိုင်နှုန်းဖြစ်ပါတယ်။

သဘာဝသယံဇာတအပေါ် အမှီပြုတဲ့ လုပ်ငန်းတွေကို လျှော့သွားမယ်ဆိုတဲ့မူက ယခုမှ စတင်တာ မဟုတ်ပါဘူး။ ဦးအောင်နိုင်ဦး ရဲ့ ရှင်းလင်းချက်ထဲမှာပဲ လွန်ခဲ့တဲ့ ငါးနှစ်ကတည်းက ဦးစားပေးကဏ္ဍထဲမှာ မထည့်ခဲ့ကြောင်း သိရပါတယ်။ ဒါပေမယ့် ဦးစားမပေးတဲ့ကြားကပဲ ရင်းနှီးမြှုပ်နှံမှု တိုးခဲ့ပါတယ်။ ဥပမာ သတ္တုတူးဖော်ရေးလုပ်ငန်း။ ဒီလုပ်ငန်းဟာ သဘာဝသယံဇာတနဲ့  သက်ဆိုင်တဲ့အတွက် မူအရဆိုရင် ရင်းနှီးမြှုပ်နှံမှု လျော့သွားရပါမယ်။ ဒါပေမယ့် ပြီးခဲ့တဲ့ ငါးနှစ်တာကာလရဲ့ ပထမဦးဆုံး ဘဏ္ဍာနှစ်ဖြစ်တဲ့ ၂၀၁၁-၁၂ ဘဏ္ဍာရေးနှစ်မှာ ၁၉ ဒဿမ ၈၇ သန်း ရှိပြီး ၂၀၁၅- ၁၆ ဘဏ္ဍာရေးနှစ်မှာတော့ ၂၈ ဒဿမ ၉၂၃ သန်း အထိ မြင့်တက်ခဲ့ပါတယ်။

ယခု အစိုးရသစ်လက်ထက်မှာတော့ MIC ကိုသီးခြားရပ်တည်တဲ့ အဖွဲ့အဖြစ် မထားသေးဘဲ လုပ်ငန်း ဆောင်တာ ကိစ္စအားလုံးကို စီမံဘဏ္ဍာ ၀န်ကြီးဌာန အောက်မှာထားပြီးတော့ ဆက်လက်ဆောင်ရွက်သွားဖို့ မူဝါဒပေးပါတယ်လို့ သိရပါတယ်။ ဒါဆိုရင် MIC ရဲ့ မူဝါဒတွေကို ၀န်ကြီးဌာနက ဆက်လက်ထိန်းသိမ်း ပေးရမယ့် တာဝန် ရှိလာပြီလို့  ဆိုရမှာပါ။

လက်ရှိအနေအထားက ရင်းနှီးမြှုပ်နှံမယ့်သူတွေအတွက် စောင့်ကြည့်ရမယ့် အနေအထားမှာပဲ ရှိနေပါသေးတယ်။ MIC က သပ်သပ်၊ ၀န်ကြီးဌာနက သပ်သပ် ဆိုတာမျိုး မဟုတ်တော့တဲ့ အတွက် ရင်းနှီးမြှုပ်နှံမှုတွေကို ပိုပြီး စနစ်တကျ ခွင့်ပြုပေးနိုင်မယ်လို့  မျှော်လင့်ရလေမလား။ အစိုးရသစ်လက်ထက် MIC အသစ်က အရင်ထက် ပိုပြီး အားကောင်းလာမှာလား ။ ပြင်ဆင်ချက်တွေနဲ့  ထွက်ပေါ်လာမယ့် ရင်းနှီးမြှုပ်နှံမှုဥပဒေက နိုင်ငံတကာ လုပ်ငန်းရှင်တွေကို ပိုပြီး လုပ်သာကိုင်သာဖြစ်အောင် ဖန်တီးပေးနိုင်မလား။

ရက် ၁၀၀ စီမံကိန်း အပြီးမှာတော့ ရင်းနှီးမြှုပ်နှံမှု အလားအလာတွေ ပိုမိုထင်ရှားလာလိမ့်မယ်လို့ မျှော်လင့်နိုင်ပါကြောင်း။

(ယမင်းမြတ်အေးသည် ရန်ကုန်အခြေစိုက် စီးပွားရေးဆိုင်ရာ အမျိုးသမီး သတင်းစာဆရာတဦး ဖြစ်သည်)

အိမ်ထောင်ပြုတော့မည့် သမီးများသို့

 
သမီး……
သူ့ကို ချစ်လို့ ယူတာပဲဖြစ်ဖြစ်
မိဘချင်း သဘောတူပေးစားလို့ ယူတာပဲဖြစ်ဖြစ်
သူဟာ ကိုယ့်ရဲ့ အိမ်ထောင်ဦးစီးတယောက်ပါ
တနည်းပြောရရင် ကိုယ့်ရဲ့ ယုံကြည်အားကိုးရာ အိမ်ဦးနတ်ပေါ့။

သမီး……
အိမ်ဦးနတ် ဆိုမှတော့ ကိုယ်က သူ့ကို ယုံယုံကြည်ကြည် လေးလေးစားစား မြတ်မြတ်နိူးနိူး စွာနဲ့ ဆက်ဆံပါမှ
ကိုယ်လည်း သူ့ရဲ့ ဂရုစိုက် ၊ အလေးပေးမှုကို ခံရတယ်။

သမီး……
ယောက်ျား ကို နိူင်(ထိန်းနိူင်သည်)တာ ကောင်းပါတယ်
ဒါပေမယ့် မနိူင်စားပါနဲ့
သူ့ကို နိူင်စားရင် သား၊သမီးတွေကပါ လိုက်ပြီး မလေးမစား ဆက်ဆံပါလိမ့်မယ်
မိန်းမ နိူင်စားတာခံနေရတဲ့ အိမ်ထောင်ဦးစီးဟာ
ဘယ်တော့မှ မကြီးပွားမတိုးတက်နိူင်ပါဘူး။

သမီး……
ယောက်ျား မကောင်း လို့ ဆိုပြီး ဘဝ ကိုမငြို ငြင်ပါနဲ့
ယောက်ျားကောင်း ဆိုတာ မိန်းမတွေ နောက်ကွယ်ကနေ
မသိမသာ ထိန်းကျောင်းပုံသွင်းရင်းနဲ့ ဖြစ်လာတာပါ။

သမီး……
ယောက်ျား ဆိုတာ မိသားစုအတွက် ဂုဏ်သိက္ခာ၊ မျက်နှာနဲ့ အပြင်မှာ
စီးပွားရှာ နေရတာပါ
လူရှေ့သူရှေ့ ၊ သူ့ အပေါင်းသင်း ၊မိတ်ဆွေတွေ ရှေ့မှာ သူ့ကို
မလေးမစား အရှက်ခွဲ ဆက်ဆံမိတာမျိုး မလုပ်မိပါစေနဲ့။

သမီး……
တရုတ်လို ဆိုရိုးစကား ရှိတယ်ကွဲ့
ပက်ထုတ်လိုက်တဲ့ရေ ပြန်မရနိူင်ဘူး
ပေးလိုက်တဲ့သမီး ပြန်မပိုင်ဘူး တဲ့ ဒါကြောင့်
သူ့အိမ်၊သူ့ ဆွေမျိုး မိသားစု အသိုင်းဝန်း ကြား ရောက်သွားတဲ့အခါ
ကိုယ့် ဆွေမျိုး မိသားစုလို မေတ္တာထားပြီး ဆက်ဆံပါ။

သမီး……
သူ့အိမ်ကိုရောက်သွားတဲ့အခါ သူ့မိဘကို ကိုယ့်မိဘလို သဘောထားပြီး ရိုရိုသေသေ လေးလေးစားစား ဆက်ဆံပါ၊ ပြုစု စောင့်ရှောက်ပါ
သူ့ ညီအကိုမောင်နှမတွေကို ကိုယ့် ညီအကိုမောင်နှမတွေလို
သဘောထားပြီး ချစ်ချစ်ခင်ခင် ရင်းရင်းနှီးနှီး ဆက်ဆံပါ။

သမီး……
သူက အပြင်မှာ မိသားစု စားဝတ်နေရေးအတွက် ပင်ပင်ပန်းပန်း ကြိုးစားရုန်းကန်နေတဲ့အချိန်မှာ
ကိုယ်ကလည်း အိမ်မှာနေပြီး အိမ်တခုလုံးရဲ့ ဝေယျာဝစ္စ အဝဝကို လိုလေသေးမရှိအောင် ထိန်းသိမ်းခြင်းဖြင့် ကိုယ့်ရဲ့ တာဝန်ကို ကျေပြွန်ပါ။

သမီး……
အိမ်ထောင်တခုရဲ့ ဘဏ္ဌာရေး သိုလှောင်ကန်မှာ
ယောက်ျားဆိုတာ ငွေခပ်ဖြည့်တဲ့သူဖြစ်ပြီး မိန်းမ ဆိုတာ ငွေခပ်သုံးတဲ့သူ ဖြစ်သတဲ့ …
ခပ်ဖြည့်ရတဲ့သူ့ခမျာ မလွယ်ရှာပါဘူးကွယ်
ချိုးခြံချွေတာစွာနဲ့ နည်းစနစ်တကျ သုံးတတ်ပါစေကွယ်။

သမီး……
သား၊သမီး မကောင်း မိဘခေါင်း တဲ့
သား၊သမီးတွေကို သွန်သင်ဆုံးမ ရာမှာ သမီးအပေါ်မှာပဲ အများကြီးမူတည်ပါတယ်
သူ့ခမျာ သားသမီး တွေနဲ့ အတူနေရတဲ့အချိန်တွေက နည်းရှာသကိုး။

သမီး……
အခန့်မသင့် လို့ စကားများ ရန်ဖြစ်ကြတဲ့အခါ
ကွာရှင်းပြတ်စဲ မယ်ဆိုတဲ့ အတွေး ယောင်လို့တောင်မတွေးပါနဲ့
ကြားက အပြစ်မဲ့တဲ့ ကလေးတွေအတွက် စဉ်းစားပေးပါ။

သမီး……
မမြင်နိူင်တဲ့ ရှေ့လျှောက်ဘဝမှာ …
ယောက်ျား ကောင်းစားတဲ့အခါ လိုက်ပြီးစံစားပါ
ယောက်ျား အဆင်မပြေတဲ့အခါ လိုက်ပြီး ဒုက္ခခံပေးပါ
အေးအတူပူအမျှ သုခ၊ဒုက္ခ တို့ကို ရင်ဆိုင်ကျော်လွှားနိူင်မှသာ
အေးချမ်းတည်ငြိမ်တဲ့ မိသားစု ကို ပိုင်ဆိုင်နိူင်တာ။

ပြောဆိုဆုံးမ နေရင်းဖြင့် အမေဖြစ်သူ မျက်ရည်တွေဝဲလာသည်။
ပြီး… တုန်ရင်သော အသံဖြင့်……
ငါ့ သမီးလေး~~~~ အိမ်ထောင်ရေး ~~~~အဆင်ပြေ ~~~
ကံကောင်းပါစေလို့ပဲ~~~ အမေ ဆုတောင်းပေးနိူင်ပါတော့မယ် ….။

↝↝↝↝↝↝↝↝↝↝↝↝↝↝↝↝↝↝↝↝↝↝↝

သူငယ်ချင်း များအားလုံး ….
သာယာကြည်နူးဖွယ်ကောင်းသော
အိမ်ထောင်ရေး ပိုင်ဆိုင်ကြပါစေ။

#သူငယ်ချင်း။

ဝေးဝေးကရှောင်သင့်တဲ့ ယောက်ျား (၈) မျိုး

 
ဘဝလက်တွဲဖော်အဖြစ်ရွေးချယ်တဲ့အခါ နှလုံးသားတစ်ခုတည်းကို အားမကိုးဘဲ ဦးနှောက်ရဲ့ အကူအညီကိုယူပြီး ချင့်ချိန်ရွေးချယ်တတ်တဲ့ မိန်းကလေးတွေအတွက် အမှားအယွင်း အင်မတန်နည်းနိုင်ပါတယ်။ တချို့ယောက်ျားတွေက ချစ်ဖို့ကောင်းပြီး ကြိုက်ဖို့တော့ မကောင်းတဲ့သူတွေ ဖြစ်ပါတယ်။ နှလုံးသားတစ်ခုတည်းနဲ့ ချိန်ကြည့်ရင် အလေးချိန်စောက်ထိုးဖြစ်နေပေမဲ့ ဦးနှောက်နဲ့ ချိန်ထိုးကြည့်လိုက်ရင်တော့ အနှစ်မပါဘဲ ပေါ့ပျက်ပျက်ဖြစ်နေတာကို တွေ့ရမှာ ဖြစ်ပါတယ်။ ဒီလို ကူးစက်ရောဂါပိုးတစ်ခုကို ရှောင်သလို ရှောင်သင့်တဲ့ ယောက်ျားအမျိုးအစားတွေကို သိထားရင် လက်တွဲဖော်ရွေးရာမှာ တော်တော်လေးအသုံးတည့်မှာပါ။

(၁) ဆရာကြီး
ကိုယ်ဝတ်တဲ့ အဝတ်အစားကအစ ကိုယ့်ဆံပင်ပုံစံ၊ စားသောက်နေထိုင်ပုံအဆုံး အစအစအရာရာ လိုက်ပြောနေတတ်ပြီး ကိုယ့်ပင်ကိုယ်စရိုက်အားလုံးကို ပြန်ပြင်ရလောက်အောင် ထိန်းချုပ်ဆရာလုပ်ချင်တဲ့ ယောက်ျားမျိုး။

(၂) အပျင်းကြီး
အလုပ်မရှိ မိဘလုပ်စာထိုင်စားပြီး အနာဂတ်အစီအစဉ်ဘာမှမရှိတဲ့သူဖြစ်သလို ဂိမ်းကစားတာ၊ အပျော်အပါးမက်တာကလွဲရင် ဘာမှမည်မည်ရရ ဝါသနာမရှိ၊ရည်မှန်းချက်မရှိတဲ့ ယောက်ျားမျိုး။

(၃) အမေချစ်သား
အမေနဲ့ မတိုင်ပင်ဘဲ ဘာဆုံးဖြတ်ချက်မှ မချတတ်တဲ့ အမေ့အကြိုက်နေတတ်တဲ့ ခင်ပွန်းကောင်းဖြစ်ဖို့ ခက်ခဲတဲ့ သားလိမ္မာယောက်ျားမျိုး။

(၄)မိန်းမချစ်သူ
မိန်းမ ကြီးကြီးငယ်ငယ် ပျိုပျိုအိုအိုတိုင်းကို စိတ်ဝင်စားတတ်ပြီး မျက်လုံးကစားတတ်သူ။ ကိုယ့်တစ်ယောက်တည်းကိုမှ မဟုတ်ဘဲ မိန်းမအားလုံးကို ချစ်နိုင်တဲ့ ထ်ိန်းလို့မရနိုင်တဲ့ ယောက်ျားမျိုး။

(၅) ပိုင်းလုံး
ရုပ်ရည်လေးက ကြည့်ကောင်းပြီး ဝတ်ကောင်းစားလှ ဝတ်ဆင်တတ်ပေမဲ့ အလုပ်အကိုင်မည်မည်ရရမလုပ်ဘဲ မိန်းမတွေဆီက ရသမျှ အားလုံးလိုချင်တတ်တဲ့ အရည်အချင်းမရှိတဲ့ အချောင်သမားယောက်ျားမျိုး။

(၆)နှစ်ပင်လိမ်
သူ့မှာ လက်ရှိရည်းစားရှိနေရက်နဲ့ ကိုယ့်နဲ့ပတ်သက်ဖို့ကြိုးစားပြီး ပတ်ရှုပ်ချင်တဲ့သူ။ သူပတ်ရှုပ်နေမှန်းသိသိချည်းနဲ့ ဒီလိုလူမျိုးကို လက်ခံလိုက်မိရင် ကိုယ့်နောက်မှာလည်း ထပ်ပြီး ရှုပ်နေမယ့် အရှုပ်ထုတ် ယောက်ျားမျိုး။

(၇) ဂဏန်းတွက်စက်
ယောက်ျားလေးပေမဲ့ ကိုယ့်စားရိတ်ပဲကိုယ်ရှင်းပြီး မိန်းကလေးအတွက် ဘာမှ ဖြည့်ဆည်းပေးဖို့ ဆန္ဒမရှိသူ။ ပေသီးခေါက်သလို ငွေကြေးနဲပဲ့ အရာရာကို တန်ဖိုးဖြတ်တတ်ပြီး ကတ်သတ်တတ်တဲ့ယောက်ျားမျိုး။

(၈)အိမ်ထောင်ရှိသူ
ဘယ်လိုခေတ်မီတဲ့ လူ့အဖွဲ့အစည်း အသိုင်းအဝိုင်းမှာဖြစ်စေ ဘယ်သူမှ လက်မခံတဲ့ ပတ်သက်မှုက အိမ်ထောင်ရှိယောက်ျားတစ်ယောက်နဲ့ ပတ်သက်တာပါပဲ။ ကိုယ့်ဘဝကို အညွန့်ချိုးသလို သူ့မိသားစုကိုလည်း မငဲ့ညှာတဲ့ ဖောက်ပြန်တတ်တဲ့ ယောက်ျားမျိုး။

TrendMyanmar

သရဲရှိတဲ့အိမ်ဖြစ်ကြောင်း သိနိုင်တဲ့ လက္ခဏာ (၁၂) ရပ်

အောက်ပါလက္ခဏာရပ်တွေ ပြနေပြီဆိုရင် အဲဒီအိမ်မှာ သရဲတစ္ဆေရှိနေတာ ဖြစ်နိုင်ပါတယ်။

၁။ တိရစ္ဆာန်လေးတွေ အကြောင်းမဲ့ မာန်ဖီခြင်း
 သင့်ခွေးက အခန်းတစ်ခန်းကိုပဲ အကြောင်းမဲ့ ထိုးဟောင်းနေသလား။ အိမ်မွေးတိရစ္ဆာန်လေးတွေက အကြောင်းမဲ့ မာန်ဖီခြင်းတွေနဲ့ ထူးခြားတဲ့ အပြုအမူတွေ ပြုလုပ်လာပြီဆိုရင် သူတို့က သင်မမြင်နိုင်တဲ့ အရာတစ်ခုခုကို မြင်နေပြီဆိုတဲ့ အဓိပ္ပာယ်ပါပဲ။

၂။ နေရာတစ်နေရာတည်းမှာပဲ ကွက်ပြီး အေးစိမ့်နေခြင်း
ရုတ်တရက်ကြီး ချမ်းစိမ့်သွားတာမျိုးဆိုရင် အနီးအနားမှာ သရဲတစ္ဆေရှိနေလို့ ဖြစ်နိုင်ပါတယ်။

၃။ ဆူညံသံများ
တံခါးခေါက်သံ၊ ကုတ်ခြစ်သံ၊ တဒုန်းဒုန်းထုသံတွေ ကြားနေရပြီး လုပ်တဲ့သူကို ရှာမတွေ့ဘူး၊ ဒါမှမဟုတ် အိမ်ထဲမှာ တခြားသူမရှိဘဲ ဒီလိုအသံတွေကြားရရင်လည်း သရဲတစ္ဆေဖြစ်နိုင်ပါတယ်။

၎။ ပစ္စည်းတွေ ပျောက်သွားပြီး မမျှော်လင့်ဘဲ ပြန်ပြန်ပေါ်လာခြင်း
ပစ္စည်းတွေကို ကိုယ်ထားတဲ့နေရာမှာ ပြန်ရှာမတွေ့ဘဲ နောက်မှ တခြားတစ်နေရာရာမှာ ပြန်ရှာတွေ့ပြီဆိုရင်တော့ တစ်ဦးတစ်ယောက်က ယူသွားတာဖြစ်နိုင်ပါတယ်။ သင့်အိမ်မှာ အဲဒီလို ယူမယ့်သူ မရှိဘူးဆိုရင်တော့ အဖြေက ရှင်းနေပါပြီ။

၅။ လူမရှိဘဲ တံခါးတွေ ပိတ်သွားခြင်း
ဒီလိုအဖြစ်မျိုးကို ကိုယ်တိုင်မြင်တွေ့ရတာ ရှားပါတယ်။ ဒါပေမဲ့ တံခါးပိတ်သံကြားရပြီး သွားကြည့်လိုက်တော့ ဖွင့်ထားခဲ့တဲ့တံခါးက သူ့အလိုလို ပိတ်သွားတာမျိုးကိုတော့ လူတော်တော်များများ ကြုံတွေ့ဖူးတယ်လို့ ဆိုပါတယ်။

၆။ မီးတွေ အလိုလို ဖွင့်ပိတ်ခြင်း
တံခါးတွေဖြစ်သလိုမျိုးပါပဲ။ သင့်ရှေ့မှာ ဖွင့်ပိတ်သွားတာမျိုးတော့ မဖြစ်ပါဘူး။။ ဒါပေမဲ့ မီးကို ဖွင့်ထားခဲ့ပေမဲ့ ပြန်ဝင်လာတော့ မီးကပိတ်နေတာမျိုး ဖြစ်တာပါ။ အဲဒီလိုပဲ တီဗွီတို့၊ ရေဒီယိုတို့လည်း ဖြစ်တတ်ပါတယ်။

၇။ တစ်ယောက်ယောက်က ကြည့်နေတယ်လို့ ခံစားရခြင်း
အထူးသဖြင့် အိမ်ရဲ့ နေရာတစ်နေရာကို ရောက်တိုင်း တစ်ယောက်ယောက်က ကြည့်နေတယ်လို့ ခံစားရရင်ပေါ့။

၈။ ကြမ်းပြင်၊ နံရံနဲ့ ပရိဘောဂပစ္စည်းတွေမှာ အစွန်းအထင်းတွေ တွေ့ခြင်း
ဘယ်ကဘယ်လိုရောက်လာမှန်းမသိဘဲ တွေ့ရတဲ့ အမှတ်အသား၊ ခြေရာ၊ လက်ရာနဲ့ လက်ရေးလို ဆေးကွက်တွေကို သရဲခြောက်တဲ့ အိမ်တွေမှာ မြင်တွေ့ရတတ်ပါတယ်။

၉။ ထူးဆန်းတဲ့ အရိပ်တွေ
သရဲရှိတဲ့အိမ်တွေမှာ သင့်ရဲ့မျက်လုံးထောင်ကနေ အမည်းရောင်အရိပ်ကို ရိပ်ခနဲတွေ့တာမျိုးလည်း ဖြစ်တတ်ပါတယ်။

၁၀။ ကလေးငယ်တွေက လူမရှိဘဲ စကားပြောခြင်း
ကလေးတွေက လူမရှိဘဲနဲ့ တစ်ယောက်ယောက်ရှိနေသယောင် စကားပြောနေပြီဆိုရင် သူတို့ဟာ ဝိဉာဉ်တွေနဲ့ စကားပြောတာ ဖြစ်နိုင်ပါတယ်။

၁၁။ ကိုယ့်အသားကို ထိကိုင်တယ်လို့ ခံစားရခြင်း
တချို့ဆိုရင် ဆွဲစိတ်သလိုတောင် ခံစားရတယ်လို့ ဆိုပါတယ်။ ဒါပေမဲ့ ဒီလိုဖြစ်ရပ်မျိုးဖြစ်တာ ရှားပါးပါတယ်။

၁၂။ တီးတိုးသံ
မသဲမကွဲအသံတွေ ဒါမှမဟုတ် ဂီတသံတွေ ကြားရတယ်ဆိုရင် သင့်အိမ်ထဲကို ဝိဉာဉ်တွေဝင်လာပြီး သင်နဲ့ ဆက်သွယ်ဖို့ ကြိုးစားတာ ဖြစ်နိုင်ပါတယ်။

Source & photos : Life

မြန်မာ့ ကုန်သွယ်မှု ဘက်စုံလေ့လာ ဆန်းစစ်တဲ့ အစီရင်ခံစာ ထုတ်ပြန်

ကမ္ဘာ့ဘဏ်က ရေးဆွဲထားပြီး မြန်မာနိုင်ငံ၏ ပို့ကုန်တိုးမြှင့်ရေးအတွက် အရေးကြီးသည့်
အကြံပြုချက်များ ပါဝင်သော ကုန်သွယ်မှု ဘက်စုံလေ့လာ ဆန်းစစ်ခြင်းအစီရင်ခံစာ
(Myanmar Diagnostic Trade Integration Study-DTIS) ကို မြန်မာနိုင်ငံအစိုးရနှင့်
ကမ္ဘာ့ဘဏ်တို့ ပူးပေါင်းကာ နေပြည်တော်တွင် ဇွန် ၂၀ ရက်က တရားဝင် မိတ်ဆက်ခဲ့
သည်။အစီရင်ခံစာမှာ မြန်မာနိုင်ငံအတွက် အလွန်အရေးပါကြောင်း ဒုတိယသမ္မတ
ဦးမြင့်ဆွေက ပြောသည်။နိုင်ငံတကာတွင် စီးပွားရေးနှေးကွေးလာနေပြီး မြန်မာနိုင်ငံ သည်
 နိုင်ငံတကာနှင့်ပေါင်းစည်းနိုင်ရန်ကြိုးပမ်းလျက်ရှိချိန်တွင် ကုန်သွယ်ရေးတိုးတက်ရန်အတွက် ပြုပြင်
ချက်များကို အစီ ရင်ခံစာတွင် ဖော်ပြထားသည်။

"ဘယ်နယ်ပယ်၊ ဘယ်လုပ်ငန်းတွေမှာ အတားအဆီးတွေရှိနေလဲ၊ ဘယ်လို နည်းပညာ
ပံ့ပိုးကူညီမှုတွေ လိုအပ်နေသလဲ၊ ဘယ်လိုမူဝါဒတွေ ပြောင်းလဲဖို့ လိုအပ်နေသလဲ စတဲ့ အချက်တွေကို လေ့လာသုံးသပ်ဖော်ထုတ်ပေးထားတာ ဖြစ်ပါတယ်"ဟု ဦးမြင့်ဆွေက
ပြောသည်။


အစီရင်ခံစာတွင် မြန်မာနိုင်ငံအတွက် လိုအပ်သော အချက်များကို မီးမောင်းထိုးပြ ထားသည့်
အပြင် အားနည်းချက်များကိုမည်ကဲ့သို့ ပြုပြင်ကျော်လွှားရမည် ဆိုသည့် အချက်များကိုလည်း
ဖော်ထုတ် တင်ပြထား ကြောင်း ကုန်သွယ်ရေးဦးစီးဌာနမှ ဒုတိယ ညွှန်ကြားရေးမှူးချုပ်
ဦးမင်းမင်းက မီဒီယာများကို ပြောကြားသည်။"ဒီအစီရင်ခံစာက နေပြီးတော့ စီမံချက်တွေ
 ထွက်လာမယ်။ ဒါတွေက ကောင်းတယ်။ ဒါပေမဲ့ အကောင် အထည်ဖော် ဆောင်ရွက်တာကလည်းအရေးကြီးတယ်။ မြန်မာနိုင်ငံအနေနဲ့
ဒီအစီရင်ခံစာပါ အချက်တွေထဲကအတိုင်း အကောင်အထည်ဖော်သွားရင်းနဲ့ ၀င်ငွေအလယ်
အလတ်ရှိတဲ့ နိုင်ငံအဆင့် ရောက်တဲ့အထိ အကောင်အထည်ဖော်သွားရမှာ ဖြစ်ပါတယ်"ဟု
၎င်းက ပြောသည်။

DTIS သော အစီရင်ခံစာသည် မြန်မာ နိုင်ငံအတွက် မရှိမဖြစ် အရေးပါပြီး အစီရင် ခံစာပါ
ရလဒ်များကို အသုံးချကာ ကုန်သွယ် ရေး တိုးတက်စေရန် ဆောင်ရွက်နိုင်ပါက ဆင်းရဲနွမ်းပါး
သူများ၊ နယ်စပ်ဒေသများတွင် နေထိုင်သူများအတွက် အလုပ်အကိုင်နှင့် ၀င်ငွေအခွင့်အလမ်းများ
ရရှိလာမည်ဖြစ် ကြောင်း Enhanced Integrated Frame work ၏ အမှုဆောင်ဒါရိုက်တာ
Dr Ratnakar Adhikari က ပြောကြားသည်။ "ရှေ့ ဆက်သွားမယ့် ရည်မှန်းချက်တွေချထားပြီး
ဖြစ်လို့ ကုန်သွယ်ရေးနဲ့ ပတ်သက်တဲ့ အပိုင်း ကို ရိုးရှင်းအောင်သွားဖို့နဲ့ တိုးတက်အောင် ဘယ်လိုလုပ်ရမယ်ဆိုတာ ဖော်ပြထားပါတယ်။ ဒါတွေကို အသုံးချနိုင်ရင် ကျိန်းသေ ပေါက်
အောင်မြင်မယ်လို့ မျှော်လင့်ထားပါတယ်"ဟုလည်း ၎င်းက ပြောသည်။

ကမ္ဘာ့ဘဏ်၏ မြန်မာနိုင်ငံဆိုင်ရာကိုယ် စားလှယ် Mr Abdoulaye Seck က အဆိုပါ အစီရင်ခံစာသည် မြန်မာနိုင်ငံအတွက် နိုင်ငံတကာစီးပွားရေး အသိုက်အ၀န်းထဲဝင်ဆံ့နိုင်အောင် လေ့လာအကြံပြုပေးထား ခြင်းဖြစ်ကြောင်း ပြောသည်။
အကြံပြုချက် အရ နိုင်ငံပြုပြင်ပြောင်းလဲရေး အရှိန် အဟုန်ကို ဆက်လက် ထိန်းထားနိုင်ရေး၊
သယံဇာတအပေါ် မှီခိုနေရမှုမှ အခြားသော ထုတ်ကုန်များ၊ ၀န်ဆောင်မှုများနှင့် ရေရှည်
တည်တံ့သော စိုက်ပျိုးရေးကို တွန်းအားပေးရေးနှင့် မူဝါဒပိုင်းဆိုင်ရာ ပြုပြင်ပြောင်းလဲရေးများ
စသည့် အချက်သုံးချက် ပါဝင်သည်။



ယခုနှစ်အတွက် ကမ္ဘာ့စီးပွားရေး တိုးတက်မှုကို ၂ ဒသမ ၉ ရာခိုင်နှုန်း ခန့်မှန်းထား
ခဲ့သော်လည်း ၂ ဒသမ ၄ ရာခိုင်နှုန်းသို့ လျော့ ကျသွားခဲ့သည်။ အဆိုပါအခြေအနေ
အရ နိုင်ငံများတွင် စီးပွားရေးမူဝါဒ ထိန်းညှိမှု ဆောင်ရွက်ချက်များကြောင့် အလိုက်သင့်
ပြုပြင်ပြောင်းလဲရန်လည်း လိုအပ်နေ ကြောင်း ကမ္ဘာ့ဘဏ်၏ အစီရင်ခံစာတွင် ပါရှိသည်။
ယင်းတို့အနက် အရှေ့တောင် အာရှနိုင်ငံများသည် ပို့ကုန်တင်ပို့သည့် နိုင်ငံများအဖြစ်
အခိုင်အမာ တိုးတက်နေ လျက်ရှိရာ မြန်မာနိုင်ငံမှာလည်း တစ်ကမ္ဘာလုံးနှင့် ပေါင်းစည်းမှု
အလျင်အမြန်မြင့်မား လာရေး၊ ကုန်သွယ်မှုများ မြန်မြန်ဆန်ဆန် ပေါင်းစည်းနိုင်ရန်တို့
အရေးကြီးကြောင်း ဦးမြင့်ဆွေက ပြောကြားသွားသည်။

ဒီနေ့ထုတ်ပြန်တဲ့ အစီရင်ခံစာနဲ့ ပတ်သတ်ပြီး မြန်မာနိုင်ငံ ကုန်သည်များနဲ့ စက်မှုလက်မှု လုပ်ငန်းရှင်များ အသင်းချုပ် (UMFCCI) တွဲဖက်အတွင်းရေးမှူး ဒေါ်ခိုင်ခိုင်နွယ်က အစိုးရရဲ့ စီးပွားရေးမူဝါဒတွေမှာ အစီရင်ခံစာပါ အချက်အလက် တွေကို ထည့်သွင်း စဉ်းစားနိုင်ဖို့နဲ့ အစိုးရနဲ့ ပုဂ္ဂလိက ပူးပေါင်း ဆောင်ရွက်နိုင်ဖို့အတွက် များစွာအထောက်အကူ ဖြစ်တယ် လို့ အခမ်းအနား အပြီးမှာ မီဒီယာတွေကို ပြောဆိုပါတယ်။

“ဒီ Report က ၂၀၁၄ ကတည်းက စလုပ်ခဲ့တာ။ Sector အကုန်လုံးပါတယ်။ Stakeholder အကုန်လုံးကိုလည်း ကမ္ဘာ့ ဘဏ် က လိုက်မေးပြီးမှ ဒီ Report ကို ထုတ်တာ။ အခက်အခဲတွေ၊ အကြံဥာဏ်တွေ ဘယ်လိုဖြစ်သင့်လဲ၊ ဘာတွေဖြစ်ချင် လဲ ဆိုတာတွေကို အကုန်လုံး ပေါင်းစည်းပြီးတော့မှ ဒီအစီရင်ခံစာကို တင်ပြကြပါတယ်”လို့ ဒေါ်ခိုင်ခိုင်နွယ်က ဆိုပါတယ်။

အစီရင်ခံစာမှာ ရုပ်ပိုင်းဆိုင်ရာ အဆောက်အအုံတွေ ဖွံ့ဖြိုးတိုးတက်ဖို့အပြင် ကုန်သွယ်ရေးအတွက် ဆောင်ရွက်နေတဲ့ ဌာနဆိုင်ရာတွေရဲ့ စွမ်းဆောင်ရည်တွေကို မြှင့်တင်သွားဖို့ (Soft Infrastructure) ကိုလည်း အလေးပေးပြီး ဆောင်ရွက် သွားဖို့ အကြံပြုထားသလို အသေးစား၊ အလတ်စား စီးပွားရေး(SME)လုပ်ငန်းတွေ ငွေကြေးအရင်းအနှီး ပိုမို ရရှိနိုင်အောင် လို့ တိုးမြှင့်ဆောင်ရွက်ပေးဖို့ အကြံပြုထားတယ်လို့ ကမ္ဘာ့ဘဏ်ရဲ့ အကြီးတန်း စီးပွားရေးပညာရှင် Sjamsu Rahardja က ပြောဆိုပါတယ်။

စီးပွားရေးနဲ့ ကူးသန်း ရောင်းဝယ်ရေးဝန်ကြီး ဒေါက်တာ သန်းမြင့်က မြန်မာနိုင်ငံဟာ သဘာဝ သယံဇာတနဲ့ စိုက်ပျိုးရေး ဆိုင်ရာ အရင်းအမြစ်များ၊ လုပ်သားအင်အား၊ မဟာဗျူဟာ တည်နေရာ အနေအထားတို့အရ အားသာချက်ရှိတဲ့အပြင် ဒေသတွင်း ကမ္ဘာ့လူဦးရေ ၄၀ ရာခိုင်နှုန်းရဲ့ ဗဟိုချက်မှာ တည်ရှိနေတဲ့အတွက် ဈေးကွက်ကြီးတခုကိုလည်း ပိုင်ဆိုင် ထား ပေမယ့် စိန်ခေါ်မှုတွေ ရှိနေဆဲ ဖြစ်တယ်လို့ ဒီအခမ်းအနားမှာ တင်ပြပြောဆိုပါတယ်။

“ကုန်သွယ်မှုတွေအတွက် ကုန်ကျစရိတ် မြင့်မားနေတာ၊ ကုန်စည်များရဲ့ အရည်အသွေးနဲ့ စံချိန်စံညွှန်းဆိုင်ရာ အခြေခံ အဆောက်အအုံ ဖွံ့ဖြိုးမှု မရှိသေးတာ၊ ကုန်သွယ်မှုကို မြန်မာနိုင်ငံရဲ့ ဖွံ့ဖြိုးတိုးတက်မှုအတွက် မောင်းနှင်အားအဖြစ် အသုံးချနိုင်ဖို့ အစိုးရဌာနတွေအတွင်း မူဝါဒပိုင်းဆိုင်ရာ ပေါင်းစပ်ညှိနှိုင်းမှု အားနည်းနေတာတွေ ရှိနေတယ်”လို့ ဒေါက်တာ သန်းမြင့်က ပြောပါတယ်။

မြန်မာနိုင်ငံဟာ ကမ္ဘာ့ ကုန်သွယ်ရေး နိုင်ငံတခုဖြစ်ပြီး ကမ္ဘာ့ ကုန်သွယ်ရေးအဖွဲ့ရဲ့ ကုန်သွယ်မှု ဖွံ့ဖြိုးတိုးတက်ရေး အတွက် အကူအညီပေးတဲ့အစီအစဉ် “Enhanced Integrated Framework (EIF)” မှာ ၂၀၁၃ ခုနှစ် ဧပြီလမှာ စတင်ပါဝင်ခဲ့တာ ဖြစ်တယ်လို့ သိရပါတယ်။
ဒီ EIF အစီအစဉ်ဟာ ဖွံ့ဖြိုးမှုနည်းပါးတဲ့ နိုင်ငံတွေကို ကမ္ဘာ့ကုန်သွယ်မှုမှာ အကောင်းဆုံး ပါဝင်ဆောင်ရွက်နိုင်ပြီး အကျိုး အမြတ် ဖြစ်ထွန်းရေးအတွက် လိုအပ်တဲ့ နည်းပညာတွေ အကူအညီပေးတဲ့ အစီအစဉ်တခု ဖြစ်ပါတယ်။

ကုန်သွယ်မှုဆိုင်ရာ ဘက်စုံလေ့လာ ဆန်းစစ်မှု (Diagnostic Trade Integration Study – DTIS) ဟာ EIF အစီအစဉ်ရဲ့ အခြေခံ အုတ်မြစ်ဖြစ်ပြီး ကမ္ဘာ့ဘဏ်က မြန်မာနိုင်ငံအတွက် တာဝန်ယူပြုစုခဲ့ခြင်း ဖြစ်တယ်လို့ ဆိုပါတယ်။

Report is not able to find. Sample of other countries reports are here.

အောင်မြင်မှုကို အရှည်တည်တန့်ဖို့

 အောင်မြင်မှုကို အရှည်တည်တန့်ဖို့ အဓိကလိုအပ်တာတွေက
1. ခံယူချက်၊
2. ဥာဏ်ပညာ၊
3. အမြော်အမြင်ကြီးမှု၊
4. စိတ်ထားကောင်းမွန်မှု၊
5. ကြင်နာတတ်မှု၊
6. သတ္တိ ဗျတ္တိ နဲ့
7. ပြက်သားမှု ။