ဟိုက်ဘရစ်ကား ထိန်းသိမ်းခြင်းနဲ့ လုံခြုံရေးဆိုင်ရာ နည်းပညာများ

ဆီစားသက်သာပြီး လူကြိုက်များတဲ့ ဟိုက်ဘရစ်ကားတွေကို ပြည်တွင်းမှာ လူကြိုက်များပြီး သုံးစွဲမှုလည်း အခုနောက်ပိုင်း မြင့်တက်လာပါတယ်.။ ဒါပေမယ့် ဟိုက်ဘရစ်ကားတွေရဲ့ လုံခြုံရေးနဲ့ တည်ဆောက်ပုံစနစ်တွေကိုတော့ လူသိနည်းပါးနေသေးတာ တွေ့ရပါတယ်.။ ဒါ့အပြင် ဟိုက်ဘရစ်ကားတွေကို ကိုယ်တိုင် ပြုပြင်ထိန်းသိမ်းရမယ့် အပိုင်းတွေမှာလည်း အားနည်းချက်တွေ ရှိနေသေးတာတွေ့ရပါတယ်.။ အဲဒါကြောင့် ဟိုက်ဘရစ်ကားတွေရဲ့ လုံခြုံရေးနဲ့ ကိုယ်တိုင်ပြုပြင်ထိန်းသိမ်းနိုင်တာတွေကို ရွေးချယ်ဖော်ပြပေးလိုက်ပါတယ်.။

ဟိုက်ဘရစ်ကားအကြောင်း ပြောမယ်ဆိုရင် ဟိုက်ဘရစ်ကားတွေရဲ့ တည်ဆောက်မှုအပိုင်းတွေကိုလည်း မဖြစ်မနေထည့်ပြောရမှာ ဖြစ်ပါတယ်.။ ဟိုက်ဘရစ်ကားဆိုတာ အင်ဂျင်ပါဝါ အသင့်အတင့်ရှိတဲ့ ကားတွေကို အင်ဂျင်တစ်ခုထဲက ရုန်းကန်နေတာမျိုးမဟုတ်ဘဲ ဗို့အားမြင့် ဘက်ထရီတွေ၊ ရုန်းအားကောင်းတဲ့ လျှပ်စစ်မော်တာတွေကိုပါ ထည့်သွင်းတပ်ဆင်ပြီး အင်ဂျင်ရဲ့ လုပ်ဆောင်ချက်နဲ့ ဆီစားနှုန်းတွေကို လျှော့ချပေးမယ့် နည်းပညာတစ်ခုဖြစ်ပါတယ်.။

ဘယ်လိုတည်ဆောက်လဲ?
ဟိုက်ဘရစ်ကားကို အင်ဂျင်တစ်ခုထဲမဟုတ်ဘဲ လျှပ်စစ်မော်တာနဲ့ ဗို့အားမြင့်ဘက်ထရီတွေနဲ့ တည်ဆောက်ထုတ်လုပ်တယ်လို့ အကြမ်းဖျင်း ပြောလို့ရပါတယ်.။ တိတိကျကျပြောရမယ်ဆိုရင်တော့ သာမန်ကားတွေမှာ တပ်ဆင်ထုတ်လုပ်တဲ့ 12 Volt အစား 1000 V မှ 700 V ကြားရှိတဲ့ ဘက်ထရီတွေကို တပ်ဆင်ထုတ်လုပ်လာပါတယ်.။ ဒါ့အပြင် အင်ဂျင်ပါဝါ ၂၀၀၀ လောက်ရှိတဲ့ အင်ဂျင်တစ်လုံးလို ရုန်းကန်အားရှိတဲ့ မော်တာကိုလည်း တပ်ဆင်ထားပါတယ်.။

အဲဒါကြောင့် ဟိုက်ဘရစ်ကားတွေရဲ့ မောင်းနှင်မှုကို အင်ဂျင်တစ်ခုထဲလုပ်ဆောင်နေတာမဟုတ်ဘဲ မော်တာနဲ့ ဘက်ထရီတွေကလည်း တွဲဖက်လုပ်ဆောင်နေတာတွေ့ရပါတယ်.။

အဓိကအားသာချက်
ဟိုက်ဘရစ်ကားရဲ့ အားသာချက်လို့ ပြောရင် ဆီစားနှုန်းသက်သာတယ်ဆိုတာက အဓိက အားသာချက်ဖြစ်ပါတယ်.။ သာမန်ဓာတ်ဆီအင်ဂျင်ကားတစ်စီးရဲ့ ဆီစားနှုန်းအောက် ငါးဆယ်ရာခိုင်နှုန်းနီးပါး လျှော့ချပေနိုင်မှာဖြစ်ပါတယ်.။ ဆီစားနှုန်းလျော့လို့ မြန်နှုန်းနဲ့ ရုန်းအားကိုတော့ လျော့မသွားအောင် ဟိုက်ဘရစ်ကားတွေကို တပ်ဆင်ထုတ်လုပ်ပေးထားပါတယ်.။ နောက်ထပ်အားသာချက်တွေကတော့ ဆီစားနှုန်းသက်သာတာကြောင့် ကားအဲကွန်းအသုံးပြုရမယ့် အချိန်တွေကို ပိုပြီးသုံးနိုင်လာပါတယ်.။ ဒါပေမယ့် ကားအဲကွန်းကိုလည်း အမြဲတမ်းဖွင့်ထားတာကလည်း ကားအဲကွန်းနဲ့ အင်ဂျင်ရဲ့ သက်တမ်းကိုပါ ထိခိုက်နိုင်တာကြောင့် လိုအပ်မှ အသုံးပြုဖို့ သင့်ပါတယ်.။

ကိုယ်တိုင်ပြုပြင်ခြင်း
ဟိုက်ဘရစ်ကားတစ်စီးကို ကိုယ်တိုင်ပြုပြင်မယ်ဆိုရင်တော့ ဖြစ်နိုင်ဖို့မလွယ်တဲ့ကိစ္စဖြစ်ပါတယ်.။ ဟိုက်ဘရစ်ကားတွေရဲ့ နည်းပညာတွေက တစ်နေ့ထက်တစ်နေ့ပိုမိုမြင့်မားလာတဲ့အပြင် ကိုယ်တိုင်ပြုပြင်ဖို့လည်း ခက်ခဲလာတဲ့ အခြေအနေဖြစ်ပါတယ်.။ ကိုယ်တိုင်ထိန်းသိမ်းမောင်းနှင်ခြင်းကသာ ကိုယ်တိုင်ပြုပြင်ခြင်းထက် ကောင်းမွန်မယ့် နည်းလမ်းတစ်ခုဖြစ်ပါတယ်.။ ဟိုက်ဘရစ်ကားရဲ့ အဲကွန်း၊ အသုံးပြုတဲ့ လောင်စာဆီ၊ ကားဘက်ထရီနဲ့ အားသွင်းစနစ်၊ ကားအောက်ပိုင်းနဲ့ ဆိုင်းထိန်းစနစ် စတာတွေကိုလည်း အမြဲမပြတ် စစ်ဆေးပေးနေဖို့ကလည်း အရေးတကြီး လိုအပ်မှာဖြစ်ပါတယ်.။ မောင်းနှင်သူအပိုင်းက ထိန်းသိမ်းမောင်းနှင်နိုင်မှုအပေါ် မူတည်ပြီး ကားရဲ့အင်ဂျင်သက်တမ်း၊ ဘက်ထရီနဲ့၊ မော်တာတွေရဲ့သက်တမ်းကြာရှည်ခံမှုတွေက မူတည်နေတာကိုလည်း သတိပြုသင့်ပါတယ်.။

အားပြန်သွင်းမယ်
ဟိုက်ဘရစ်ကားတွေရဲ့ သတ်မှတ်မိုက်နှုန်းတစ်ခု၊ အရှိန်တစ်ခုရောက်လာရင် လျှပ်စစ်မော်တာတွေက အလိုအလျောက်လည်ပတ်ပြီး ကားအင်ဂျင်ကလည်း ရပ်နားထားမှာဖြစ်ပါတယ်.။ အဲဒီလိုအချိန်မှာ ကားဘက်ထရီကို ဘယ်လိုအားပြန်သွင်းနေလဲဆိုတဲ့ အချက်က မေးစရာဖြစ်လာပါတယ်.။ ဒါကိုလည်း ဟိုက်ဘရစ်ကားထုတ်လုပ်သူတွေက လွယ်ကူရိုးရှင်းဆုံးနည်းလမ်းနဲ့ တည်ဆောက်ထုတ်လုပ်ခဲ့ကြပါတယ်.။ ဒါကတော့ ကားမောင်းနှင်နေစဉ်မှာ လည်ပတ်နေတဲ့ ကားဘီးတွေကတဆင့် အားပြန်ဖြည့်တင်းပေးတဲ့ စနစ်ဖြစ်ပါတယ်.။ ဒီစနစ်ကိုတော့ Regeneration System လို့ခေါ်ပါတယ်.။ ဗို့အားမြင့်ဘက်ထရီတွေဖြစ်လို့ အားသွင်းမယ့်ဒိုင်နမိုစနစ်ကလည်း ဗို့အားမြင့် အားသွင်းစနစ်ကို တပ်ဆင်ထားရမှာ ဖြစ်ပါတယ်.။

ရိုးရိုးကားနဲ့ ကွာခြားချက်
ဟိုက်ဘရစ်ကားရဲ့ မောင်းနှင်နေတဲ့နှုန်းက သတ်မှတ်ချက်တစ်ခုကို ရောက်လာရင်တော့ အင်ဂျင်နဲ့မောင်းနေရာကနေ မော်တာနဲ့မောင်းနှင်တဲ့အခြေအနေကို ပြောင်းလဲပေးလိုက်ပါတယ်.။ အဲဒါကို လုပ်ဆောင်ပေးနိုင်ဖို့အတွက် Relay ဆိုတဲ့ပစ္စည်းတစ်ခုကို ထည့်သွင်းတပ်ဆင်ထားပြီး ကားအင်ဂျင်နဲ့ ဘက်ထရီမော်တာကြား အပြောင်းအလဲတွေကို လုပ်ဆောင်ပေးပါတယ်.။

ဒီ Relay က ဗို့အားမြင့် ဘက်ထရီနဲ့ ဘေးထွက်အန္တရာယ်တွေကိုလည်း ကာကွယ်ပေးမှာဖြစ်ပါတယ်.။ ဥပမာ ကားထိခိုက်မှု တစ်ခုခုဖြစ်တဲ့ အချိန်မှာ ကားဘက်ထရီကထွက်လာတဲ့ ဗို့အားမြင့်ဝါယာတွေက လူကိုထိပြီးထိခိုက်စေတာမျိုးတွေ မဖြစ်အောင် ကားထိခိုက်တာနဲ့ Relay က ဘက်ထရီကို ဗို့အားဖြတ်တောက်ခြင်းကို လုပ်ဆောင်ပေးမှာဖြစ်ပါတယ်.။
 အဲဒီလိုပဲ အခြားထိခိုက်မှုအန္တရာယ်တွေဖြစ်လာရင်လည်း ဘက်ထရီကထွက်လာတဲ့ ဗို့အားမြင့်ဝါယာတွေရဲ့ အန္တရာယ်ကနေ ကာကွယ်ပေးမယ့်စနစ်တစ်ခုလုံးကို Relay ကလုပ်ဆောင်ပေးမှာဖြစ်ပါတယ်.။ ကားအပူလွန်ကဲရာက မီးလောင်တာ၊ ကားဘက်ထရီအပူလွန်ကဲတာ၊ ကားရုတ်တရက်မီးလောင်ကျွမ်းတာ၊ စတဲ့ အန္တရာယ်တွေဖြစ်လာရင်လည်း ဘက်ထရီဗို့အားကို အမြန်ဆုံးဖြတ်တောက်ပေးနိုင်မှာ ဖြစ်ပါတယ်.။

ဘက်ထရီရဲ့ ဗို့အားက မြင့်လွန်းတဲ့အတွက် ဟိုက်ဘရစ်ကားရဲ့ ဘက်ထရီကို လဲလှယ်တဲ့နေရာမှာပဲဖြစ်စေ၊ ပြုပြင်တဲ့နေရာမှာပဲဖြစ်စေ သတိထားရမှာဖြစ်ပါတယ်.။ ဟိုက်ဘရစ်ကားဘက်ထရီတွေကို ပြုပြင်တာ၊ လဲလှယ်တာတွေလုပ်မယ်ဆိုရင်လည်း ကျွမ်းကျင်တဲ့သူတွေနဲ့ ဟိုက်ဘရစ်ကား ဘက်ထရီသီးသန့်ပြုပြင်တဲ့ နေရာတွေမှာ ပြုပြင်ပေးသွားဖို့ လိုအပ်ပါတယ်.။

ကိုအော်တို
7.9.2015 ထုတ် iCar Journal မှ ကူးယူဖော်ပြသည်.။

The key to Happiness

တစ်နေ့မှာ နတ်သားဟာ ကဗျာဆရာတစ်ဦး တွေ့တယ်။ ကဗျာဆရာက
ငယ်ရွယ်နုပျို ချောမောပြီး၊ ငွေကြေးလည်း ပြည့်စုံသလို၊
လှပတဲ့ဇနီးတစ်ဦးကိုလည်း ပိုင်ဆိုင်ထားတယ်။ ဒါပေမယ့် အဲဒီကဗျာဆရာ
မပျော်ခဲ့ဘူး။

ကဗျာဆရာကို နတ်သားက "ဘာကြောင့်မပျော်သလဲ? ဘာများကူညီရမလဲ?" လို့မေးတော့
ကဗျာဆရာက "ကျွန်တော့်မှာ ဘာမဆိုရှိတယ်။ ဒါပေမယ့် တစ်ခုပဲ လိုအပ်နေတယ်။
ကျွန်တော့်ကို ပေးနိုင်မလား?" လို့ နတ်သားကို ပြန်မေးတယ်။

"ပေးနိုင်ပါတယ်။ အလိုရှိတာ တောင်းဆိုပါ" လို့ နတ်သားဆိုတော့

"ပျော်ရွှင်ခြင်းကို ကျွန်တော်လိုအပ်နေတယ်" လို့ ကဗျာဆရာက ပြောပါတယ်။

ကဗျာဆရာ စကားကြောင့် နတ်သားအခက်တွေ့သွားခဲ့တယ်။ တအောင့်ကြာမှ "ကောင်းပြီ"
ဆိုပြီး ကဗျာဆရာပိုင်ဆိုင်သမျှ အားလုံးကို ယူဆောင်သွားခဲ့တယ်။

ကဗျာဆရာရဲ့ အောင်မြင်မှုကို ယူသွားတယ်၊ ဥစ္စာပစ္စည်းတွေကို ယူသွားတယ်၊
သူ့ရဲ့ရုပ်ရည်ကို ယူသွားတယ်၊ ဇနီးချောရဲ့ အသက်ကိုယူပြီး
နတ်သားထွက်သွားခဲ့တယ်။ တစ်လကြာပြီးနောက် ကဗျာဆရာဆီ
နတ်သားပြန်ရောက်လာခဲ့တယ်။ အဲဒီအချိန်မှာ ကဗျာဆရာက ကြမ်းပြင်ပေါ်မှာ
လဲလျောင်းပြီး ဆာလောင်လို့ သေလုမျောပါး ဖြစ်နေခဲ့တယ်။ နတ်သားက ကဗျာဆရာကို
အရာအားလုံးပြန်ပေးပြီး ထွက်သွားခဲ့တယ်။

လဝက်လောက်နေပြီ ကဗျာဆရာကို နတ်သားသွားကြည့်ပြန်တယ်။ ဒီအချိန်မှာ ကဗျာဆရာက
ဇနီးသည်ကို ပွေ့ဖက်ပြီး နတ်သားကို ကျေးဇူးတင်နေခဲ့တယ်။
ပျော်ရွှင်ခြင်းတွေကို သူရခဲ့လို့ပါပဲ....

အထီးကျန်ဆန်ခဲ့ဖူးသလား?
ပျော်ရွှင်တဲ့ အရသာကို ခံစားခဲ့ဖူးသလား?
အထီးကျန်တယ်၊ ပျော်ရွှင်တယ်ဆိုတာ နှိုင်းယှဉ်မှုတွေကိုပြတဲ့
နာမဝိသေသနတွေဖြစ်တယ်။ အထီးကျန်တာကို မခံစားဖူးရင် ပျော်ရွှင်တဲ့အရသာကို
ဘယ်လာခံစားတတ်မလဲ? လူတွေကလည်း လူတွေပါပဲ.. လက်လွတ်ရခါနီးမှ၊
လက်လွတ်သွားမှ တန်ဖိုးထားရကောင်းမှန်း သိတော့တယ်။ တကယ်တော့
ပျော်ရွှင်ခြင်းက ကိုယ်နဲ့အနီးဆုံး နေရာမှာ အမြဲရှိနေခဲ့ပါတယ်။
ဗိုက်အရမ်းဆာတဲ့အချိန် ခေါက်ဆွဲခြောက်လေးတစ်ထုပ် ရှိတာလဲ ပျော်ရွှင်ခြင်းပဲ
အရမ်းမောပန်းနွမ်းနယ်တဲ့အချိန် ကျောခင်းစရာ နေရာလေးတစ်ခုရှိတာလဲ ပျော်ရွှင်ခြင်းပဲ
အားရပါးရ ငိုနေတဲ့အချိန် ဘေးမှာရှိတဲ့ လူတစ်ယောက်က တစ်ရူးလေးတစ်ရွက်
ကမ်းပေးလာတာလဲ ပျော်ရွှင်ခြင်းပဲ

မနက်နိုးလာတာနဲ့ လှပတဲ့ နေရောင်ခြည်ကို တွေ့နိုင်တာလဲ ပျော်ရွှင်ခြင်းပါပဲ။

ပျော်ရွှင်ခြင်းမှာ တိကျတဲ့ အဓိပ္ပါယ်ဖွင့်ဆိုချက်တွေ မရှိခဲ့ဘူး။
သာမန်ကိစ္စလေး တစ်ခုလည်း ပျော်ရွှင်ခြင်းတွေ ပေးဆောင်နိုင်ပါတယ်။
ဘယ်လောက်အထိ ပျော်ရွှင်သလဲ? ပျော်ရွှင်ခြင်းရဲ့ အတိုင်းအတာကို
ကိုယ့်ရဲ့ရောင့်ရဲတဲ့စိတ်နဲ့ပဲ ခန့်မှန်းဆုံးဖြတ်နိုင်ပါတယ်။
သူငယ်ချင်းတို့ရဲ့ စိတ်မှာ ပျော်ရွှင်ခြင်းတွေ ပြည့်နေခဲ့ပြီလား?
ဒါမှမဟုတ် စိတ်ပျက်ခြင်းတွေနဲ့ ပြည့်နေခဲ့သလား?

ပျော်ရွှင်ခြင်းတွေ တံခါးလာခေါက်တဲ့အခါ ကိုယ့်ရင်ခွင်တံခါးကို
ကျယ်ကျယ်ဖွင့်ထားပေးပါ။ ပျော်ရွှင်ခြင်းတွေ ကိုယ့်ရင်ဘတ်ထဲ အလုံးအရင်းနဲ့
ဝင်ရောက်နိုင်ပါစေ....

My name is ....

 
သင်ရဲ. နာမည် မှာပါတဲ. ABCD အက္ခရာ လေးတွေကနေ သင့်ရဲ့ စရိုက်ကို ခန်.မှန်းနိုင်ပါတယ်။ မဆိုးဘူးနော်။ မှန်မမှန်သိချင်ရင်စမ်းလုပ်ကြည့်လိုက်လေ။
 တော်တော်လေးလဲ နီးစပ်မှုရှိပါတယ်...
 
ဥပမာ . သင့်နာမည်က Lin Lin ဆိုပါတော့ .. ဒါဆို
L = သင်ဟာ အချစ်ကို ကိုးကွယ်သူ
I = သင်.ဟာ အမြဲ တမ်း ပြုံးနေပြီး တပါးသူကိုလဲ ပျော်ရွင်စေတယ်
N = သင်ဟာ အလုပ်မရှိရင် မနေတက်သူ ဒါပေမယ်. ရှိရင်လဲ ငြီးငြူတက်

ဒါဆို သဘောပေါက်ပြီနော်။ ကဲ အခု အောက်က ဖော်ပြထား တဲ့ A ကနေ Z ထဲ က သာရှာကြည်.
ကျပေတော. ။ Good Luck !

A = သင်ဟာ အင်မတန် အေးတဲ.သူဖြစ်သော်လည်း သင်.စိတ်ထဲမှာ အကြံ တခုခုရှိတယ်
B = သင်ဟာ သူစိမ်းတစ်ယောက်နဲ. ဆက်ဆံရတိုင်း အမြဲ သတိရှိတယ်
C = သင်.မှာ လုပ်ဖော်ကိုင်ဖက် စိတ်ဓါတ်အပြည်.ရှိတယ်
D = သင်.ဟာ လူတယောက် ကို ယုံကြည်ဖို. အင်မတန် ခက်ခဲတယ်
E = သင်ဟာ အင်မတန် စိတ်ဝင်စား စရာ ကောင်းတဲ့သူပဲ
F = သင့်မှာ ချစ်မွေး ပါတယ်
G = သင့်ဟာ လူတွေ ကို အကဲခတ်အရမ်းတော်တယ်
H = သင့်မှာ ဆင်ခြင်တုံ တရား မရှိဘူး
I = သင်ဟာ အမြဲ တမ်း ပြုံးနေပြီး သူတပါးကိုလဲ ပျော်ရွင်စေတယ်
J = သင်မှာ မနာလိုမရှုစိတ် ရှိတယ်
K = သင်မှာ စူးစမ်း စမ်းသပ် လိုစိတ် ရှိတယ်
L = သင်ဟာ အချစ်ကို ကိုးကွယ်သူ
M = အောင်မြင်မူ တွေကို သင်အလွယ်တကူရတယ်
N = သင်ဟာ အလုပ်မရှိရင် မနေတက်သူ ဒါပေမယ့် ရှိရင်လဲ ငြီးငြူတက်သူ
O = သင်ဟာ အင်မတန် ပွင့်လင်း တဲ့သူ
P = သင်ဟာ အင်မတန် ရည်မွန် ပြီး နားလည်မူ အပြည့်ရှိတယ်
Q = သင် ဟာ သူတော်ကောင်း ယောင်ဆောင်ထားတယ်
R = သင်ဟာ လူမူရေး ကိစ္စ္စ္စ တွေမှာ မပါမဖြစ်
S = သင်ဟာ သဘောထား ကြီးတယ်
T = သင့်မှာ ကြီးမားတဲ့ ရည်မှန်းချက်ရှိတယ်
U = သင်.ကိုယ်သင် အားလုံး နဲ. ရင်ဘောင်တန်း နိုင်တယ်လို့ မှတ်ယူထားတယ်
V = သင်.ကိုယ်သင် အရမ်းချောတယ် ထင်ထားတယ်
W = သင်ဟာ သင့်အကြောင်းတွေကို သူများ ကို မပြောပြချင်ဘူး
X = သင်ဟာ သူများ လမ်းပြ၊ ဆရာလုပ်တာမကြိုက်ဘူး
Y = သင့်မှာ အခက်အခဲတွေ များကြီး ရှိတယ်၊ ရှိခဲ့တယ်
Z = သင်ဟာ အမြဲ တမ်း တယောက်ယောက်နဲ့ ရန်ဖြစ်နေရမှ ကျေနပ်တယ်။

နှုတ်ချိုသျှိုတစ်ပါး

 
ကျွန်တော် ဖတ်ဖူးတဲ့ တစ်ခြားလူပြောတဲ့ နားဝင်ချိုစကား တွေကို မျှဝေ လိုက်ပါတယ်။

၁)
သမီးနဲ့အတူ အိမ်ဘေးက ကလေးတွေ ခြံထဲမှာ ဆော့ကစားနေကြတယ်။ ကလေးတွေက စိုက်ထားတဲ့ နှင်းဆီပန်းတွေကို ခူးခြွေနေတာကို အိမ်ရှင်ယောက်ျား ကတွေ့တော့ “ဒီမျောက်လောင်းတွေ နှင်းဆီပင်ကို ဖျက်ဆီးနေ ကြတယ်..ငါ သွားဆုံးမလိုက်ဦးမယ်” လို့ ဒေါနဲ့မောနဲ့ပြောတော့ အိမ်ရှင်မက “ ရှင်အသာနေစမ်းပါ ...ကျွန်မသွားမယ်” ဆိုပြီး ခြံထဲ ဆင်းသွားတယ်။ ကလေးတွေနားရောက်တော့ လေသံနိမ့်ပြီး “သားတို့ သမီးတို့ ဒီနှင်းဆီပင်မှာ အဆူးတွေရှိတယ်.. အခုနားတင်ပဲ အပင်ကို ပိုးသတ်ဆေး ဖြန်းထားတယ်။ ဆူးစူးမိပြီး ပိုးသတ် ဆေးတွေ အနာထဲဝင်ရင် အဆိပ်ဖြစ်တတ်တယ်... အန်တီက စိတ်ပူလို့ပြောတာ... တစ်ခြားနေရာ သွားဆော့ကြနော်” လို့ပြောလိုက်တယ်။

၂)
တည်းခိုခန်းတစ်ခုမှာ ဧည့်သည်တွေအတွက် ရေချိုးခန်းမှာထားတဲ့ ပုဝါတွေ အမြဲပျောက်တော့ သူဌေးက စိတ်တိုပြီး “တည်းခိုခန်းပုဝါ ခိုးသူအား တရားဥပဒေအရ အရေးယူမည်” လို့ သတိပေးစာ ရေးပြီး အိပ်ခန်းတိုင်း လိုက်ကပ်ခဲ့တယ်။ နောက်တစ်ရက်မှာ သူဌေးက အဲဒီစာကို “ ဥပဒေနှင့် ငြိစွန်းနိုင်ပါသဖြင့် တည်းခိုခန်း ပုဝါအား မခိုးပါနှင့်” လို့ ပြောင်းရေးလိုက်တယ်။ နောက်တစ်ရက်နေပြီးတော့ သူဌေးက အဲဒီစာကို တဖန် “အကယ်၍ ပုဝါအား သင်ကြိုက်နှစ်သက်ခဲ့သော် ကောင်တာတွင် အသစ်ဝယ်ယူနိုင်သည်။ ပုဝါဟောင်းကို ယူပြီး အသစ်တန်ဖိုး ပေးနေရမှာ စိုးသောကြောင့်ဖြစ်သည်”လို့ ပြောင်းရေးလိုက်ပြန်တယ်။

၃)
လူမမာ အမယ်အိုတစ်ဦး ဘယ်လိုပဲ ဆေးတိုက်တိုက် မသောက်ဘဲ ခေါင်းမာနေ ခဲ့တယ်။ ညအချိန် ချောင်းတွေ မပြတ်ဆိုးတော့ သားဖြစ်သူက “ချောင်းတွေ ဒီလောက်ဆိုးနေတာ ဆေးတိုက်တော့လည်း မသောက်ဘူး... အမေကို ငါသွားပြောမယ်” ဆိုတော့ ချွေးမဖြစ်သူက “နေဦး...အမေ ဆေးသောက်လာအောင် နောက်တစ်နည်း ပြောကြည့်မယ်” ဆိုပြီး အကြံထုတ်တော့တယ်။ နောက်နေ့မနက် ရောက်တော့ သားက အမေ့ကို“ သားအမိ ဆိုတာ စိတ်ချင်း ဆက်နေကြတယ်.. ညည အသံတိုးတိုးလေးနဲ့ အမေချောင်းဆိုးနေတာတောင် သားကြားတယ်... သားခံစားရတယ်.. အမေ အိပ်ရာမ၀င်ခင် ဆေးအမြဲသောက်ပါနော်” လို့ပြောမှ အမယ်အိုက ဆေးသောက် တော့တယ်။

၎) မိန်းမဖြစ်သူက ပြုတင်းပေါက်ဖွင့်ထားတော့ လေစိမ်းတွေက ၀င်လာတယ်။ ယောက်ျားက “ မအေးဘူးလား.. ဘာဖြစ်လို့ ပြုတင်းပေါက် မပိတ်တာလဲ” လို့ပြောမယ့်အစား “ မိန်းမရေ..နင်ချမ်းမှာစိုးလို့ ငါပြုတင်းပေါက် ပိတ်လိုက်ပြီနော်”လို့ ပြောလိုက်သတဲ့။

၅) လူတစ်ယောက်က သူ့မိတ်ဆွေကို ပိုက်ဆံတစ်ထပ် လှမ်းပေးလိုက်ပြီး “ ပိုက်ဆံတွေ ရေကြည့်ဦးနော်... အိမ်ပြန်ရောက်လို့ နည်းနေရင် ငါ့အဆိုးမဆိုနဲ့” လို့ ပြောမယ့်အစား “ ပိုက်ဆံတွေ ရေကြည့်ဦးနော်... ငါဦးနှောက်က သိပ်ကောင်းတာ မဟုတ်ဘူး.... လျော့ပေးမိမှာစိုးလို့” လို့ ပြောသတဲ့။

နားဝင်ချိုတဲ့စကားကို လူတိုင်း ကြိုက်ကြတယ်။ ဒါပေမယ့် နားဝင်ချိုအောင် လူတိုင်း မပြောတတ်ကြဘူး။

လူတိုင်းရဲ့ အချစ်ကို ခံချင်တယ်ဆိုရင်တော့…

တစ်ခါတုန်းက ဘုရားအလောင်းဟာ ရသေ့ရဟန်းဝတ်ပြီး တောမှာ နေနေပါတယ်။
တစ်နေ့ တော့ ဆွမ်းခံကပြန်အလာရေကန်တစ်ကန်ထဲဆင်းပြီးရေချိုးရင်း ကန်ထဲက ပဒုမ္မာကြာကို နမ်းလိုက်ပါတယ်။ ဒါကိုရေကန်စောင့်နေတဲ့ နတ်သမီးကတွေ့ပြီး၊
စိတ်ထဲမှာ မသက်မသာဖြစ်သွားပါတယ်။ ရဟန်းကိုလည်း အပြစ်စကားဆိုလိုက်ပါတယ်။

●နတ်သမီး …
ပိုင်ရှင်မပေးဘဲ ကြာပန်းကိုနမ်းတာဟာ “ခိုးခြင်း” အင်္ဂါတွေထဲက တစ်ခုပဲ။
ဒါကြောင့် သင့်ရဟန်းဟာ “နံ့သာသူခိုးပဲ”။အစောင့်နတ်သမီးရဲ့ပြစ်တင်စွပ်စွဲသံကြားတော့
ရဟန်းကလည်း ပြန်ချေပပါတယ်။

●ရဟန်း …
ငါဟာကြာပန်းကိုယူလည်းမယူ၊ ချိုလည်းမချိုး၊ အဝေးကပဲနမ်းတာပါ။
ဘာဖြစ်လို့ ငါ့ကို “နံ့သာသူခိုး”လို့ စွပ်စွဲတာလဲ။
စောစောက ငါ့ရှေ့က ယောက်ျားတစ်ယောက်ဟာ ရေကန်ထဲဆင်းပြီး ကြာစွယ်တွေကိုလည်းခူးတယ်၊
ကြာပန်းတွေကိုလည်း ချိုးဖျက်ယူတယ်။
အဲဒီပုဂ္ဂိုလ်ကျတော့ ဘာဖြစ်လို့ “ကြာပန်းသူခိုး”လို့ မပြောတာလဲ။
နတ်သမီးက သူပြောမယ်စကားကို ရဟန်း မကြားမှာစိုးလို့ထင်တယ်။ ရှေ့ကို ခြေတစ်လှမ်းတိုးရင်း လေသံပြင်းပြင်း မျက်နှာထားတည်တည်နဲ့ ပြောလာပါတယ်။

.●နတ်သမီး …
မကောင်းမှုမျိုးစုံကို ပြုနေကြတဲ့ ပုဂ္ဂိုလ်တွေရှိတယ်။ အဲဒီပုဂ္ဂိုလ်တွေဟာ အညစ်အကြေးတွေ
အထပ်ထပ်ပေကျံနေတဲ့ “လက်နှီးစုတ်”လိုပဲ။အဲဒီ လက်နှီးစုတ်ဟာ အညစ်အကြေး
တစ်ခုခုထပ်ပေကျံပေမယ့် ထူးပြီးမသိသာတော့ဘူး။ ဒီအတိုင်းပဲ “အကုသိုလ်အညစ်အကြေး” မျိုးစုံကပ်နေတဲ့ ပုဂ္ဂိုလ်မှာ နောက်ထပ်အညစ်အကျေးတစ်ခုထပ်ကပ်လို့လည်း ထူးပြီးမသိသာတော့ဘူး။
အဲဒီပုဂ္ဂိုလ်မျိုးကိုတော့ ငါ့အနေနဲ့ ဘာမှ မပြောလိုဘူး။သင်ရဟန်းကိုသာ ပြောချင်တာ။
စင်ကြယ်မှုကိုပဲ ရှာမှီးနေတဲ့ ယောက်ျားမြတ်ဟာ သားမြီးဖျားလောက်ရှိတဲ့ မကောင်းမှုကိုလည်း
တိမ်တိုက်လောက်သဘောထားရတယ်၊ သိရဲ့လား ရဟန်းရဲ့။”

ရဟန်းက နတ်သမီး ဥပမာနဲ့ပြောလိုက်တဲ့စကားကို တော်တော်လေး သဘောကျသွားပါတယ်။
ဒါကြောင့် မျက်နှာချိုချိုလေးနဲ့ ပြန်ပြောပါတယ်။

 ●ရဟန်း …
သင့်ဟာ ငါ့ကို စင်ကြယ်သူလို့ အသိအမှတ်ပြုတယ်။
ပြီးတော့ ငါ့ကို သတိပေးစောင့်ရှောက်တယ်။
တကယ်လို့များ နောင်အခါ သင့်မျက်လုံးထဲမှာ
အမြင်မတော်တာရှိခဲ့ရင် အခုလို့ပြောဆိုပေးပါ။


●နတ်သမီး …
ရဟန်း . . . ငါ့တို့ဟာ သင့်ကိုအမှီပြုပြီး အသက်မွေးနေတာမဟုတ်ဘူး။
သင့်ရဲ့အခစားလည်း မဟုတ်ဘူး။ဘယ်လမ်းဟာ သုဂတိသွားတဲ့လမ်းဆိုတာ သင့်သိတယ်။
သိတဲ့အတိုင်း ကိုယ်တိုင်းပဲသွားပါ။ ငါ့ကိုအားမကိုးပါနဲ့။

ရဟန်းက နတ်သမီးရဲ့ စကားရင့်ရင့်ကို လက်ခံသဘောတူတဲ့ အနေနဲ့ ကျေးဇူးစကားပြန်ပြောတယ်။
“ကျေးဇူးတင်ပါတယ် နတ်သမီး အခုလို သတိပေးတာကိုပဲ။”နတ်သမီးက ရဟန်းကို ခပ်ဆတ်ဆတ်လေး
ပြောလိုက်မိပေးမဲ့ ပြောလွယ်ဆိုလွယ်ရှိတဲ့ ရဟန်းကို စိတ်ထဲက ကြည်ညိုနေပါတယ်။
ဘုရားအလောင်းဟာ နတ်သမီးရဲ့ ဆုံးမစကားကို အခြေခံပြီး တရားကို ကြိုးကြိုးစားစား အားထုတ်လိုက်တာ ဈာန်တွေရသွားပြီး ဗြဟ္မာ့ပြည်ကိုလားရောက်ခဲ့ရပါတယ်။

(ငါးရာ့ငါးဆယ့်ဇာတ်ဝတ္ထု၊ သိင်္ဃပုပ္ဖဇာတ်။)

■မြောင်းထဲမှာ မြောင်းဖေါ်နေတဲ့သူတစ်ယောက် ရွှံ့တစ်စက်ပေသွားလို့ ဘာမှဖြစ်မသွားပါဘူး။
မြောင်းဘေးကရပ်ကြည့်နေတဲ့သူရွှံ့တစ်စက်ပေသွားရင် သိပ်သိသာပါတယ်။

■မကောင်းမှုမျိုးစုံပြုနေတဲ့ လူတစ်ယောက် မကောင်းမှုတစ်ခုကို ကျူးလွန်လိုက်လိုလည်း
ထူးပြီးမသိသာသွားသလို၊ပတ်ဝန်းကျင်ကလည်း ထူးပြီးစိတ်မ၀င်စားပါဘူး။
စင်စင်ကြယ်ကြယ်နေတဲ့လူတစ်ယောက် မသင့်လျှော်တာ တစ်ခုခုလုပ်လိုက်ရင် သိပ်ပြီး သိသာနေတတ်ပါတယ်။
နောက်ဥပမာတစ်ခုကတော့ လက်နှီးစုတ်မှာ အိုးမဲတစ်ကွက် ထပ်ပေလို့ ထူးပြီးမသိသာပါဘူး။
အ၀တ်ဖြူဖြူမှာ အိုးမဲတစ်ကွက် ပေကျံလိုက်ရင်တော့ သိပ်ပြီး သိသာနေတတ်ပါတယ်။

ကိုယ်က ကိုယ် ၊ သူက သူ၊ ကိုယ့် နဲ့ သူ နှိုင်းယှဉ်ပြီး မနေကောင်းပါဘူး။

သောဝစဿတာ မင်္ဂလာရေးမယ်လုပ်တော့ ငယ်ငယ် ဆရာသမားတွေ ဆုံးမခဲ့တဲ့
ဒီဥပမာ လေး ခေါင်းထဲကို အလိုလိုဝင်လာခဲ့ပါတယ်။ ဒါ့ကြောင့်လည်း ဒီဥပမာလေးနဲ့ နွယ်နေတဲ့
သိင်္ဃပုပ္ဖဇာတ်ကလေးကိုပဲရေးပြလိုက်တာပါ။

အသောက ကျောက်စာမှာ …
ကာယာနံမေ၀ ဒေခတိ…-
“လူတွေဟာ ကိုယ်လုပ်တဲ့ဟာဆိုရင် အကောင်းချည်း ထင်ကြတယ်” လို့ ဆိုပါတယ်။
ဒီတော့ ကိုယ်ရဲ့အပြစ်၊ ကိုယ့်ရဲ့အားနည်းချက်ကို မမြင်နိုင်တော့ပါဘူး ။အဲဒီလို အခါမျိုးမှာ ကိုယ့်ရဲ့ အပြစ်၊
ကိုယ့်ရဲ့ အားနည်းချက်ကို ပြောပြနိုင်မယ့်သူ တစ်ယောက်ယောက်ကိုတော့ ကိုယ့်ဝန်းကျင်းမှာ ရှိထားသင့်ပါတယ်။ ပြောပြနိုင်မယ်သူရှိမှလည်း ကိုယ့်အားနည်းချက်ကို ကိုယ်သိပြီး ပြင်ခွင့်သာမှာပါ။

ပုထုဇဉ်တွေဆိုတာ အပြစ်တို့၊အားနည်းချက်တို့တော့ ရှိနေကြမှာပါ။ ကိုယ်က သိခွင့်ရဖို့ပဲ အရေးကြီးပါတယ်။

■တစ်ခုတော့ရှိပါတယ်။ကိုယ်က ပြောဆိုဆုံးမလွယ်သူတော့ ဖြစ်နေဖို့လိုပါတယ်။
ဒါမှလည်း အပြစ်ပြော သူက ပြောချင်စိတ်ရှိမှာပါ။ ဓမ္မပဒမှာ အပြစ်ပြဆုံးမသူကို “ရွှေအိုးပေးသူ”လို့
သဘောထားရမယ်လို့ ဆိုထားပါတယ်။ ပြီးတော့ ရှင်ရာဟုလာဆိုတဲ့ ကိုရင်လေးက
သဲကို လက်နဲ့ဆုပ်ပြီး “ဤသဲလုံးနဲ့အမျှ ငါ့ကို ဆုံးမမည့်သူ ရလျှင် ကောင်လေစွ …”လို့ လည်း ဆုတောင်းလေ့ရှိပါတယ်။

ကိုယ့်အပြစ်၊ ကိုယ်အားနည်းချက်ကို သိချင်စိတ်ရယ်၊ သိပြီး ပြင်ချင်တဲ့စိတ်ရယ်၊ ပြင်ပစ်တဲ့စိတ်ရယ်၊ အဲဒါတွေဟာစိတ်ဓာတ်အရည်အသွေးမြင့်မားဖို့အတွက် အထောက်အပံ့တွေပါ။

ကိုယ့်ရဲ့စိတ်ဓာတ်အရည်အသွေးဟာ တစ်နှစ်ထက် တစ်နှစ် မြင့်သထက်မြင့်လာပါမှ အဓိပ္ပါယ်ရှိပါတယ်။
မြင့်မြင့်လာအောင်လည်း ကိုယ်က အားထုတ်ရပါမယ်။ ဆိုဆုံးမလွယ်တာ၊ ကိုယ့်အားနည်းချက်ကို သိချင်တာ၊ သိပြီးပြင်ချင်တာတွေဟာ စိတ်ဓာတ်အရည်အသွေး မြင့်မားရာ မြင့်မားကြောင်းတွေပါ။

ဒါပေမယ့် တစ်ခုတော့ရှိပါတယ်။ လူတော်တော်များများမှာ လူတစ်ဖက်သားကို
ဆုံးမချင်တဲ့ရောဂါ ရှိတတ်ကြပါတယ်။လူငယ်စကားနဲ့ပြောရရင်တော့ “ဆရာကြီးလုပ်ချင်တဲ့ရောဂါ”ပါ။
အဲဒီရောဂါရှိသူတွေရဲ့ဆုံးမမှုမျိုးကိုတော့ သတိထားရပါမယ်။ ရောဂါကို အခြေခံပြီး ဆုံးမလာတဲ့ ဆုံးမမှုမျိုးကတော့ ကိုယ့်စိတ်ဓာတ်အရည်အသွေး မြင့်မလားတဲ့အပြင် ၊တစ်ခါတလေနိမ့်တောင် သွားဦးမှာပါ။ လူတစ်ဖက်သားကို ဆုံးမချင်တဲ့ရောဂါဟာ ကုရတော်တော်လေးခက်ပါတယ်။
အဲဒီလူမျိုးကိုတော့ ဘယ်သူမှ မနှစ်မြို့သလို သူရဲ့ဆုံးမမှုမျိုးကိုလည်း မခံယူချင်ကြပါဘူး။
ဒါသဘာဝပါ။ ဒါကြောင့် ကိုယ်ကိုယ်တိုင်ကလည်း ၊ရောဂါတစ်ခုလို လူတစ်ဖက်သားကို
ဆုံးမချင်တဲ့စိတ် ရှိမနေဖို့လိုပါတယ်။

ကိုယ်ကိုယ်တိုင် ဆုံးမလွယ်သူဖြစ်ရမှာ ဖြစ်သလို ၊ရောဂါတစ်ခု အနေနဲ့ မဟုတ်ဘဲ ကိုယ့်ဝန်းကျင်မှာ
ပြောပြဖို့ ၊ဆုံးမဖို့ အမှန်တကယ် လိုအပ်လာရင် တာဝန်တစ်ခုအနေနဲ့ကို ပြောပြပေးရမှာပါ။ ဆုံးမပေးရမှာပါ။

အဲဒီလိုပြောပြပေးဖို့၊ ဆုံးမပေးဖို့ အခွင့်ကြုံလာခဲ့ရင်တော့ အောက်ပါ “အင်္ဂါ(၅)ပါး”ကို
သတိထားရမယ်လို့ စာမှာဆိုထားပါတယ်။

(၁)။ မသင့်လျော်မလျောက်ပတ်တဲ့အခါ မပြောပြသေးဘဲ၊ မဆုံးမသေးဘဲ
သင့်လျော်လျောက်ပတ်တဲ့ အခါကျမှ ပြောပြပေးခြင်း၊ဆုံးမပေးခြင်း။

(၂)။ မဟုတ်မမှန်သောစကားကို ဖယ်ရှားပြီး ၊ ဟုတ်မှန်တဲ့စကားနဲ့သာ ဆုံးမခြင်း။

(၃)။ ကြမ်းတမ်းခက်ထန် နားမခံနိုင်ဘွယ်စကားကို ဖယ်ရှားပြီး သိမ့်မွေ့နူးညံ့တဲ့ စကားနဲ့သာ ဆုံးမခြင်း။

(၄)။ အကျိုးမရှိတဲ့စကားကိုဖယ်ရှားပြီး ၊အကျိုးရှိတဲ့စကားနဲ့သာ ဆုံးမခြင်း။

(၅)။ အမျက်ဒေါသမပါစေဘဲ ၊မေတ္တာနဲ့သာ ဆုံးမခြင်း။

ဒီအင်္ဂါ(၅)ချက်ကိုချိန်ပြီး ပြောဆိုပါ၊ဆုံးမပါတဲ့။

ဘ၀ခရီးမှာ ဆုံးမတတ်သူ၊ ဆုံးမအပ်သူဆိုပြီး အပြန်အလှန်တော့ တစ်လှည့်စီ ရှိနေကြမှာပါ။
ကြုံလာတဲ့အလှည့်မှာ တာဝန်ကျေဖို့နဲ့ သတိလေးရှိနေဖို့ပါ။

ဘာပဲပြောပြော ဆိုဆုံးမလွယ်သူတဲ့သူကို လူတိုင်းကချစ်ကြပါတယ်။
လူတိုင်းရဲ့ အချစ်ကို ခံချင်တယ်ဆိုရင်တော့… ။ ။

Credit : Satekuupuyar

ဘုရားရှင်၏ အံ့ဖွယ် ( ၁၈ ) ပါး

 

(၁) ၀တ်တော်မူသော သင်္ကန်းတော်သည် ဖွပ်ဆိုးရခြင်း၊ ဟောင်းနွမ်းခြင်းမရြှိုခင်း။

(၂) ပရိက္ခရာ (၈)ပါးကို ဆောင်တော်မူလျှင် ကိုယ်နှင့်မထိ လက်လေးသစ်မျှကွာခြင်း။

(၃) တော်ထွက်တော်မူစဉ်က ပယ်ဖြတ်မူသောဆံတော်သည် လက်နှစ်သစ်မျှသာ တစ်သက်ပတ်လုံး တည်တော်မူခြင်း။

(၄) ဆွမ်းစားပြီးသော် သပိတ်တော်ဆေးလျှင် လက်တော်စင် ၊ လက်တော်ဆေး ၊သပိတ်တော်စင်၏။

(၅) မုန်ညင်းစေ့မျှသော ကြုတ်ထဲသို့ ၀င်နိုင်ခြင်း။

(၆) ရောင်ခြည်တော် (၆)ပါး လွှတ်တော်မူသော် အရပ်(၁၀)မျက်နှာကို ဖောက်ထွင်းခြင်း။

(၇) ဝေနေယျသတ္တ၀ါသို့လိုက်၍ ကိုယ်တော်မှတစ်ပါး နိမ္မိတဘုရားပေါင်းများစွာ ဖန်ဆင်းနိုင်ခြင်း။ (အသေင်္ချေ)

(၈) ခေတ်သုံးပါးတို့၌ အမိုက်တိုက်ကိုလည်းကောင်း၊ အလင်းကိုလည်းကောင်း ပေးနိုင်ခြင်း။

(၉) အထက်ကောင်းကင်တွင် လ၀န်းကဲ့သို့ မြင်တော်မူခြင်း။

(၁၀) လူနတ်တို့၏စိတ်ကို အသာသယာနုသယဉာဏ်တော်ဖြင့် သိစွမ်းတော်မူခြင်း။

(၁၁) အသံတော်ရှစ်ပါးနှင့်တရားဟော်တော်မူရာ အလုံးစုံသောပရိတ်သတ်တို့၏အနားသို့ ကပ်၍ဟောသကဲ့သို့ကြားရခြင်း။

(၁၂) ကျွတ်အံ့သော သတ္တ၀ါတို့ကို မဟာဂရုဏာ သမာပတ္တိဉာဏ်တော်ဖြင့် သိနိုင်ခြင်း။ ခပ်သိမ်းသော သတ္တ၀ါတို့အပေါ်တွင် ကရုဏာတရား ပွားများအားကြီးခြင်း။

(၁၃) လူနတ်ဗြဟ္မာတို့၏ ကျွတ်မည့်အခါတည်းဟူသော အိနြေ္ဒအနုအရင့်ကို သိတော်မူခြင်း။

(၁၄) အထက်ပါ(၁၃)ပါးနှင့် ဥေယျဓံတရား(၅)ပါးကို သိနိုင်ခြင်း။

(၁၅) အလိုရှိ၍လက်တော်ကိုဆန့်လိုက်လျှင် သပိတ်တော်အလိုအလျောက် ရောက်လာခြင်း။

(၁၆) ရေအစုံ ၊ မီးအစုံနှင့် တန်ခိုးဖြာဋိကာပြနိုင်ခြင်း။

(၁၇) တာဝတိံသာသို့ အဘိဓမ္မာတရားဟော်တော်မူရန် ပကတိ သုံးဖ၀ါးနှစ်လှမ်းတည်းဖြင့် ကြွတော်မူနိုင်ခြင်း။

(၁၈)ဒေသစာရီကြွချီတော်မူလျှင်ခြေရာမတင်သည့်အပြင်မြေအညီအညွတ်ဖြစ်ရခြင်း။

 မြတ်ဗုဒ္ဓ၏ တန်ခိုးတော်များသည် အံ့ဖွယ်
များပြားလှပေတော့သည်။
အရှင်ဝိမလအား credit ပူဇော်ပါသည်။

စနစ်တကျ မျက်နှာသစ်ဖို့

 

မျက်နှာသစ်တော့မယ်ဆို တာနဲ့ အရင်ဆုံးလုပ်ရမှာက လက် ဆေးဖို့ပါ။ အဲဒီလိုမလုပ်ဘူးဆိုရင် အညစ်အကြေးတွေနဲ့ ရောဂါပိုး တွေကို မျက်နှာဆီပို့လိုက်သလို ဖြစ်သွားပါတယ်။ မျက်နှာနဲ့ လက်နဲ့မထိတွေ့ခင်မှာလည်း ဆပ်ပြာ တွေပြောင်အောင်ဆေးကြောပစ် ဖို့လိုပြီး ဒါမှသာ ဆပ်ပြာက ဓာတု ဆေးတွေကြောင့် မျက်နှာအရေ ပြားယားယံတာမျိုး မဖြစ်မှာပါ။

မိတ်ကပ်လိမ်းထားမိရင် လည်း မျက်နှာမသစ်ခင် ဂွမ်းဖတ် လေးကို သံလွင်ဆီ၊ အုန်းဆီသုတ် ပြီး မိတ်ကပ်အရင်ဖျက်သင့်ပါ တယ်။ မျက်နှာခဏခဏသစ်ရင် မျက်နှာအရေပြားကို အစိုဓာတ် ထိန်းပေးတဲ့ ဆဲလ်တွေဖယ်ရှားသ လိုဖြစ်စေတာကြောင့် မနက်အိပ် ရာထချိန်နဲ့ ညအိပ်ရာဝင်ခါနီးနှစ် ကြိမ်လောက်ပဲ သစ်ပေးသင့်ပါ တယ်။

မျက်နှာသစ်ဖို့အတွက်ဆို ရင် အော်ဂဲနစ်ဆပ်ပြာဒါမှမဟုတ် အရေပြားနူးညံ့စေတဲ့ မျက်နှာသစ် ဆေးမျိုးရွေးချယ်သင့်ပါတယ်။ စိတ်ကြည်လင်လန်းဆန်းချင် တယ်ဆိုရင်တော့ လာဗန်ဒါအဆီ လေး တစ်စက်နှစ်စက်လောက် ရေထဲထည့်ပြီး သစ်ပေးနိုင်ပါ တယ်။

ရေချိုး၊ ခေါင်းလျှော်တဲ့အခါ မှာလည်း ခေါင်းကိုသေချာသန့်စင်အောင်လျှော်ပြီးမှ မျက်နှာသစ် တာမျိုး လုပ်သင့်ပါတယ်။ တချို့ ခေါင်းလျှော်ရည်တွေနဲ့ ဆံပင်ပျော့ဆေးတွေမှာ ချွေးပေါက်ပိတ်စေပြီး အရေပြားယားယံ၊ ၀က်ခြံပေါက်စေနိုင်တဲ့ ဓာတုပစ္စည်းတွေ ပါဝင်နိုင်တာမို့ ခေါင်းသေချာလျှော်ပြီးမှ မျက်နှာသစ်သင့်ပါတယ်။ မျက်နှာသစ်ဆေးရွေးချယ်တဲ့အခါမှာလည်း အမှတ်တံဆိပ်သာမက ပါဝင်ပစ္စည်းတွေက ဘာတွေသုံးထားသလဲဆိုတာ စစ်ဖို့က အရေးအကြီးဆုံးပါပဲ။သဘာဝပစ္စည်းတွေနဲ့ပဲ ထုတ်ထားတဲ့ အလှကုန်မျိုးကိုတော့ ဦးစားပေးရွေးချယ်ရမှာပါ။

မျက်နှာပြင်ကို ကြမ်းကြမ်းတမ်းတမ်းကြေးချွတ်ဆေးကြောတာဟာ အရေပြားယားယံမှုဖြစ်စေတာကြောင့် ညင်ညင်သာသာ လေးနှိပ်နယ်ပွတ်သပ်ပြီး မျက်နှာ သစ်သင့်ပါတယ်။

မျက်နှာအရေပြားခြောက် သွေ့နေတုန်းမှာ မျက်နှာသစ်ဆေး တွေနဲ့ ပွတ်တာမျိုးရှောင်ရမှာဖြစ် ပြီး မျက်နှာသုတ်ပ၀ါဒါမှ မဟုတ် အ၀တ်သန့်သန့်လေးနဲ့ မျက်နှာကို စိုစွတ်အောင်လုပ်ပြီးမှသာ သုံး သင့်ပါတယ်။ ဒီနေရာမှာ တစ်ခု သတိထားရမှာက မျက်နှာသုတ်တဲ့ အ၀တ်တွေကို နှစ်ရက်ထက်ပိုပြီး မသုံးသင့်တဲ့အချက်ပါ။ မဟုတ် ရင်တော့ စိုထိုင်းထိုင်းနဲ့ ညစ်ပတ် ပြီး ရောဂါပိုးတွေ ကပ်နေနိုင်ကာ အရေပြားယားယံစေနိုင်လို့ ဖြစ်ပါ တယ်။

Credit: 7day daily